Tura, Jun 21: Tura-ni Golf kal•na changgipa Johnwell Gabil Momin, India-ni National Golf Academy-o Category D Coaching Certification Course-ko seenba, 100-oni 76 mark-rangko man•e chu•sokgipa ong•aha.
An•tangni golf kal•na a•bachengani bidingo Hub News baksa agangrikengon, ua 2014 bilsio Pune songjinmani Qualifying School-o golf-ko skie ra•na a•bachengaha aro untalan ua India-ni National Championship (PGTI) Professional Golf Tour-oba Meghalaya a•dokni pal bakko ra•eaha ine Momin parakataha.
2014 bilsio ong•atanggipa Meghalaya Chief Minister’s Open Tournament-oba ua bakko ra•eaha ine janapatengon, 2018 bilsio ua Indian Institute of Management (IIM) Golf Tournament-ni professional category-o chegipa ong•aha ine Momin aganaha. IIM-o da•o ua an•tangan golf-ko skie on•engaha ineba ua aganaha.
Uni ja•man 2023 bilsio ua Cloud 9 Summer Cup Tournament-oba chegipa ong•aha aro apsan bilsion Goa-o ong•atanggipa National Games-oba ua Meghalaya a•dokni pal bakko ra•eaha.
Ia 2024 bilsini January 6 aro 7 tarikrango ong•atanggipa Assam Misa Open Tournament-oba ua first runners up ong•e chegipa ong•aha ine Momin parakataha.
Momin-ni aganani gitade, 2015 bilsionin ua Shillong Golf Course, Garrison Ground (REPTA), IIM Shillong aro Meghalaya Police-ni officer-rangnaba golf-ko skie on•baengaha.
Golf kal•anio chu•sokgipa ong•anina ua dingtangmancha an•tangni nokdangko, Meghalaya-ni Golf Association-ko aro Tura-ni gitcham MLA Billykid A Sangma-koba mittelpilangaha.
Unbaksana una pilak nanga dakchakanirangko on•ahani gimin ua a•dok sorkarikoba mittelpilangaha.
Na·simang ia video-koba nina man·gen:
Na·simang iakoba poraina man·gen: Arunachal-o Diarrhoea man•e bi•sa sak 2 sia, sak 19 saaniko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
