Tura, June 7: Tura, NEHU-ni Department of Management-ni Professor Jaynal Uddin Ahmed-ni nirokatani ning·o “Perceived Customers Satisfaction towards Innovative Services: A Study on Meghalaya Rural Bank” ingipa katta ja·pango pangchake an·tangni chanchiako aro sandirikkotanirangko seanina Tura-oni saksa Ma Chelsea Ch Momin-na Shillong, North Eastern Hill University (NEHU), Butbar salo Management-ni Doctor of Philosophy (Ph.D) upadiko on·angaha.

Tura-ni Pa Godfrey N Arengh aro Ma Ranu Ch Momin-ni demechik aro Pa Carlo Salgita M Marak-ni jikgipa Ma Chelsea Momin, da·omitingde Tura Government College-ni Commerce Department-o Assistant Professor ong·e kamko ka·enga.