Shillong, Sept 26: Tura-ni music composer Mikhail Marak-ni Shape of Momo jawilwatna knatogipa sulrangko tarianichi Meghalaya a·dok a·gilsak gimiko niksengataniko man·aha.
India-South Korea-ni co-production-chi Sikkimese filmmaker Tribeny Rai-ni tarigipa jawilwatko uni aiao inmanbegipa golpona aro Marak-ni knatogipa sulrangna manderangni mitelaniko man·aha. Ia Nepali ku·sikchi tarigipa jawilwat-o songsar-ni sinjetanirang aro me·asarangko mikpakma nigipa niamrangni kosako me·chikrangni neng·nikanirangko mesokaha, aro ian South Korea-ni Busan International Film Festival-o (BIFF) Songson Vision Award aro Taipei Film Commission Award-ko man·aha.
Unbaksana, Spain-ni San Sebastian International Film Festival-oba (SSIFF) New Directors section-o ia jawilwa pilak manderangni chadenge mande ra·aniko man·aha. Una agreba SSIFF-ni awardrangnaba bimung mingako man·aha, aro ru·utgija salrangni gisepon uarangni koborko man·gen. Ia ja-ni bon·angachipak, Shape of Momo-ko Germany-ni Hamburg Film Festival-oba mesokanggen.
Marak, Tura-o Nokpante Studio-ko chalaia aro ua ru·uta bilsirangonin biaptango doka-dam·anirangko dakani bidingo gisik nange bak ra·enggipa saksa ong·a. Iana skangba ua Jakgitel music video-na sulrangko tariaha, jekon 2014 bilsio MTV Indies-o mesokaha.
Tura-oni international gadang-ona uni sokdoaniara Meghalaya-ni iandake changgipa-sapgipa manderangna namen chu·sokani ong·a. Uni ia chu·sokaniko man·aniara una saksanna ong·aija indiba Salgro Salaram joloni chadambe artistrangna joltangni ma·manti daka-rikani bewalrangko a·gilsak gimikna mesokna didianiko on·a.
Na·simang iakoba nina man·gen:
Na·simang iakoba poraina man·gen: Chakma-Hajong Referendum-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
