Tura, Dec 13: Ja·manchake koborko on·atani gita, re·anggipa anti Sonibar salo Tura songjinmani Mrong Mahari Association, maharitangoni gisiko nanggipa manderangna Marathon Race-ko ong·atangaha.
Association, iandakgipa programko maharini manderangni namgnina bilsiantin ong·atrongenga. Uandake, ia bilsini katsusaaniko Tura songjinmaoni kilometer 15-mang chel·gipa Chibagre – Babadam ramao ong·atangaha, jeon maharioni chola-dal·a aro bilsi re·anggimin manderang gisiko nangen bakko ra·angtokaha ine MMA-ni general secretary, R M Sangma, Sombar salo koborna seachi u·iataha.
Ia katsusaaniko pringni bako District Sports Officer, S M Marak-ni jakchi nisan ripripe a·bachengataha aro iandakgipa programko ong·atanio uamangni miksonganiara maharini manderangna an·seng-baljokaniko on·na gita ong·a ineba ua janapataha.
Indake ong·engon, marathon katsusaaniko gadang-bonga dake ong·atangaha aro uno chegiparangara – C Category -o Yangkibon Marak, Kakam Marak aro Eshana, B1 Category-o Nogowamai Marak, Chekame aro Chandrika, B2 Category-o Rutlinesh Marak, Prebina aro Suritha, A1 Category-o Rimma Marak, Lesley aro Manchekam, A2 Category-o Leolind Marak, Happry aro Bilseng-maang ong·a ineba association-ni general secretary u·iatjolaha.
