Tura, Dec 5: Tura songjinmani ‘Paint My City’ campaign-ko Bristibar salo, Meghalaya a•dokni Chief Minister Conrad K Sangma, Meghalaya Legislative Assembly-ni Speaker Thomas A Sangma, West Garo Hills a•jani Deputy Commissioner Jagdish Chelani aro Tura-o songdongenggipa manderangni mikkango, internet gita a•bachengate on•angaha.
Ia ‘Paint My City’ campaign-ko internet gita a•bachengate on•atanio, a•dokni Chief Minister, Tura songjinmani manderangna aganprakatengon, sorkari office-rangni aro dingtang dingtang skul-college-rangni pakmarangko aro nokrangko rong nonganichi aro Tura-o songdongenggipa manderangba noktangtangko rong nonganio bak ra•anichi Tura songjinmako nitobatatna man•gen ine aganaha.
Ia campaign-ara songjinmarangko nitoatanisan ong•aigija Tura songjinmako a•songo rongtalbatsranggipa aro nitobatsranggipa biaprangoni damsa ong•atna miksonganiba ong•enga ine Sangma aganaha.
Ia kamo bakrimaniko on•china aro a•doknasan ong•aigija a•song gimiknan dakmesokgiparang ong•china gitaba ua Tura songjinmani manderangko mol•molataha.
Ia campaign-ko a•dok sorkarini aro ma•mong sorkarini pilak office-rang baksana skul-college-rangoba ra•gatanggen ine janapatengon, ia ‘Paint My City’ campaign-ko Jowai aro Shillong-oba a•bachengatgen ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: Shillong airport-ni runway-ko bakrodapatna sorkari kam ka•enga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
