Tura, June 7: Bilsi sokkugijagipa me·chik bi·sako kragija dake kal·akgipa West Garo Hills a·jani a·kawe joloni saksa mandeko chu·gimik bilsi 20-rangna pattoko chipatchina Tura-ni POCSO Court, ia antio raiko on·anga baksana gong hajal 20,000 tangkarangkoba dai gamchina hukumko on·angaha.
Ia mamlara batanggimin 2014 bilsini March 20 tariko Tikrikilla songo ong·anggipa obosatani bidingo ong·achim, jeon dosi on·ako man·gipa saksa Ramjan Ali minggipa, ua somoio bilsi chu·ongkugijagipa me·chik bi·sako uni noko drae til·ekahachim. Ia obosta ong·ani ja·man, Ramjan Ali-ko police-rang joljolan rim·aha.
Indake ong·engon, ia mamlako me·chik Police Inspector Usha Singha-ni sandirokataniko dakdilangani a·sel, Tura-ni POCSO Court-chi bichalko ka·anganio dos dakgipa mandeko bon·kame sastiona sokatna gita man·aha.
Kacharini hukum gita, gong hajal 20,000 tangkako dai gamjagenchimode, bilsisana uko pattoko chipe donangkuchinaba kachari raiko on·angjolaha.
Iakoba poraie nina man·gen: Badingsrukgiparangko rike B’desh-ni sipairang Garo Hills-ona napsretbaa
