Tura, July 19: Meghalaya Football Association (MFA)-ni ning•o dakchakaniko man•e a•bachengatgipa Tura-ni District Football Association (DFA), AIFF D License Coaching Course-ko Chandmari Football Turf-o sal 5-na ong•atenga.
Ia sal 5-ni course-ko July 15 tarikoni 19 tarikona ong•atenga, jeon a•dok gimikoni sak 22 coach-rang bak ra•engachim.
Indake MFA, a•jaantioniko sak 4 coach-rangko seokchina DFA-ko ge•etataha.
Shillong-ni AIFF Grade A Coach Vikash Panthi-ni dilanichi, ia course-o bak ra•anggiparang theoretical aro practical training session-rang, jeon kal•susaenggipa chadamberangna skie on•ani bewalrangko skie on•anio donge skie ra•angna man•paaha.
Ia D License-ko man•a gita, AIFF-ni ong•atenggipa practical aro theoretical porikkarangko bak ra•giparang pass ka•na nangachim.
Indake jean ia porikka-o chu•soka, uamang kal•susaenggipa chadamberangna skie on•a kragipa ong•gnok aro ia D License uamangni janggi tanga gimikna jakkalna cholignok. Una agreba, ia coach-rang, nambata gadangni certificate-rangko jekai C License, B License, A License aro Pro License-koba ra•na man•gen.
Da•o dipet Garo Hills a•jaoni sak 10 D License-ko man•giparang gnang, uan Williamnagar-oni sak 3, Tura-oni sak 2 aro Resubelpara-oni sak 2 ong•achim.
“Garo Hills a•jaoni D License-ko man•giparang namen komibea maina AIFF-ni porikkarang namen rakbeachim. Practical aro theoretical porikkarangko seaniara altubea ong•jani gimin candidate-rangba namen rake krengna nanga” ine DFA, West Garo Hills-ni General Secretary, Gamcheng R Marak Hub News baksa agangrikaniko dakengmitingo aganaha.
Ia porikkarangna agreba, ia course-an namen rakbegipa ong•a, maina practical session-ko pring 6:15 bajioni a•bachengate saljatchini 12:30 bajiosa matchotata. Unikoa theory class-rangko salni 1:45 bajioni a•bachengate attamni 7:00 bajiosa matchotskaa. Uni ja•mano bak ra•gipa sakantian salgipinona tarisamsona nanga aro ia course-ko ra•naba gong 10,870 tangkarangko gamna nanga ineba ua agandapataha.
Iani gisepon Garo Hills-oni Ranggira Marak, B License Course-ko Uttar Pradesh-o poraienga aro ia porikkao ua pass ka•ahaode, uan Tura-oni B License-ko man•chenggipa ong•gnok.
Na·simang ia video-koba nina man·gen:
Na·simang iakoba poraina man·gen: CM Conrad, gipin a•dokoni re•bae kam ka•e cha•enggiparangni bidingo agangrikna KSU-ko okama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
