Tura, Dec 9: Meghalaya a•dokni Sainik Welfare Directorate, Headquarter 101 Area-ni dakchakanichi Garo Hills-na Annual Ex-Servicemen Rally-ko December-ni 9 aro 10 tarikrango salgnina Tura Dakkopgre-o donggipa SMELC-o ong•atenga aro ia rally-o sak 300-mangni gita gitcham sipairang, uamangni nokdangrang aro sianggipa sipairangni nokdangrangba bak ra•angtokaha.
Ia Annual Ex-Servicemen Rally-ko ong•atanio, Kharkutta-ni MLA Rupert Momin, mongsonggipa sokgipa ong•e jinmana aganprakangengon, a•dokni pilak gitcham sipairangko mittelpilangenba, uamangni a•songna dangdike on•anggipa kamrangna uamangko mande ra•skachina a•doko songdongenggipa manderangko didiangaha.
Sipai dolrangni kamrangko mittelpilangskaengon, army-rango kam ka•gipa manderang bang•batan dambemitingon kamtangoni neng•takna nangrongani gimin uamangni nokdangrangna tangka paisani gita dakchakaniko on•aniara sorkarini daitoan ong•a ine Momin aganaha.
Kamoni neng•takgimin sipairangni changa sapanirangko jakkalna aro uamangna bading chiwalani cholrangko on•na gita a•dokni CM Elevate program-ko jakkalna man•gen ineba Momin aganaha.
Ia Ex-Servicemen Rally-ko ong•atani bidingo Sainik Welfare Meghalaya-ni Director, Colonel Gautam Rai, talate on•angskaengon, Garo Hills-o songdongenggipa gitcham sipairang aro uamangni nokdangrangni chagrongna nangenggipa neng•nikanirangko chel•chakna gita ia Rally-ko ong•atenga ine parakataha.
Na·simang ia video-koba nina man·gen:
Na·simang iakoba poraina man·gen: Hornbill Festival-ona re•bagipa UK-ni tourist saksa ka•tong sagitike sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
