Shillong, Mar 5: West Garo Hills a•jani Tura songjinmao Architecture aro Urban Planning College-ko a•bachengna gita a•dok sorkari, All India Council for Technical Education (AICTE)-ni ra•chakaniko sengkuenga.
Assembly-ni Budget Session-o sing•anirangna aganchakaniko on•angengon, dingtang dingtang neng•nikanirangko man•genchimoba ia college-na nokrangkode rikmanaha aro da•o ia college-ko a•bachengna gita AICTE-ni ra•chakanikosa sorkari sengkuenga ine Budbar salo, Meghalaya a•dokni Education Minister Rakkam A Sangma parakataha.
Sangma-ni aganani gitade, ia kamna website-ko December jarangosan kuliaiani gimin sorkari, ia bilsini December jao permission-na dorgastoko galattaigen.
Ia project-na ma•mong sorkarini baksku aro a•dok sorkarini baksa dake gimik gong crore 26 tangkarangko ma•mong sorkari chamataha aro da•o dipet crore 23.4 tangkarangko watataha ineba Education Minister parakataha.
Ia college-ni academic session-ko a•bachengna man•chipkujaengani gimin Opposition dolni dilgipa Mukul Sangma, sorkariko sing•doangengon, college-ni academic session-ko a•bachengatanio ja•manchakengani a•selrangko Education Minister dongnuna jotton ka•enga ineba matnangataha.
Uni matnanganirangna a•dokni Chief Minister Conrad K Sangma aganchakaniko on•angskaengon, iani bidingo u•iatna nanganirangko Education Minister dongnuenga ong•ja indiba COVID sajinma aro ramarang dongjani a•selsa kamrang ja•manchakaha ine talataniko on•angaha.
Kamrang da•o chu•gimik matchotmanaha aro college-ni academic session-ko bakan a•bachenggnok ineba CM ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: Rel project-ni bidingo agangrikna dingtang dingtang dolrangko sorkari okamgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
