Tura, Apr 14: Sombar salo, Garo Hills Autonomous District Council (GHADC)-ni gita chang 73-gipa Council Day-ko Tura-ni District Auditorium-o maniangaha aro ia salko manianio Meghalaya a•dokni Deputy Chief Minister aro District Council Affairs Minister Prestone Tynsong, mongsonggipa sokgipa ong•e bak ra•angaha.
Ia tom•anio a•dokni Deputy Chief Minister aro DCA Minister, jinmana aganprakangengon, Council aro a•dokni chong•mot itihasko gisik ra•na nangani gimin aganangenba, 1972 bilsio Meghalaya a•dokko man•e on•na aro a•dokni namroro silroroanina an•tangtangko on•kange kam ka•anggipa Captain Williamson Sangma aro gipin dilgiparangko mittelpilangaha.
District Council-ni gamchatgipa ong•ani bidingo janapangengon, council-ni kamrangko aro daitorangko nipiltaina nangengani gimin Tynsong aganangenba, dingtang dingtang neng•nikanirangko namatna pilakkon bakrime kam ka•china didiangaha.
Meghalaya a•doko 96 ba 98 percent a•arangde Sixth Schedule ning•on ga•aka ine Sixth Schedule-ni gamchatgipa ong•ani bidingo janapangskaengon, Sixth Schedule-ni ning•o maikai Tribal jatrangko aro uamangni a•arangko chengonin chel•chakbaengachim, uarangni gimin Tynsong aganangaha.
Sixth Schedule aro Council-ni bilrangko bilakbatatna sorkarini chanchisamsoanirangkoba ia tom•anio ADC Minister, jinmana talate on•angaha.
Ia salko manianio, GHADC-ni Chief Executive Membor (CEM) Albinush R Marak-ba jinmana aganprakengon, Council-ni bilsio chu•sokanirangko aro dingtang dingtang department-rangoniko man•enggipa kajinarangni bidingo talate on•angaha. Jatni daka rikanirangko aro bilrangko chel•chakanio GHADC-ni mongsonggipa kamrangni giminba Marak agan-talatanirangko on•angaha.
Ia chang 73-gipa Council Day-ko manianio Tura Town Higher Secondary School, Tura Music Academy, Dokaku Art & Cultural Association aro Tura St Xaviers HS School-ni git ring•e mesokani aro gipin dakmesokanirangkoba nikangna man•aha.
Na·simang ia video-koba nina man·gen:
Na·simang iakoba poraina man·gen: Guwahati-o DB Company-ni gita kror 400 stock scam ba cha·boke cha·anio bak dongpagipa sakgniko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
