Tura, Jan 14: Mongolbar salo, Meghalaya a•dokni Chief Minister Conrad K Sangma, Meghalaya Legislative Assembly-ni Speaker Thomas A Sangma baksa West Garo Hills a•jani chatro chatrirangna M-Tab ba skie ra•ani tablet-rangko, Tura-ni District Auditorium-o suale on•angaha.
Chatro chatrirangna ia M-Tab-rangko sualaniara, a•doko e-Education-ko tang•doatna gita Chief Minister-ni Student Digital Learning Scheme-ni ning•o ra•gatgipa program ong•a aro ia M-Tab-rango, Higher Secondary gadangni porikkana gitcham question paper-rang, mock question paper-rangf aro dingtang dingtang porikkana aganchakgimin answer paper-rangko donmanaha. Ia M-Tab-rango, audio-video, animation aro 3D graphic-rangkoba chatro chatrirangna donaha.
Ia program-ko ong•atanio, a•dokni Chief Minister, tom•anio bak ra•giparangna aganprakangengon, ia M-Tab-rangara ramram ostrosan ong•aija indiba chatro chatrirang, dingtang dingtang porikkarangko sena an•tangtangko tarisamsona gita tarigimin ostrosa ong•enga ine parakataha.
Technology-ara janggi tanganio pilakni gitan dingtanganiko ra•baenga ine janapatengon, ia Tablet-rangko on•aniara sorkarini chatro chatrirangna simsakaniko mesokanisa ong•enga ine Sangma aganaha.
Knatime aro noksarangko nie skie ra•aniara chatro chatrirangna skie ra•aniko altubatata ineba ua aganaha.
Smart classroom-rangko aro digital-chi skie ra•aniko jakkalanichi chatro chatrirangna bang•en dakchakanirangko on•na man•a ine janapatskaengon, technology-de skie ra•aniko altubatataniosan dakchakaniko on•na man•aia ine Chief Minister, chatro chatrirangko gisiko nange poraichina didiangaha.
Meghalaya a•doko Information & Technology (IT)-ni kamrangna sorkari gisik on•e kamko ka•enga ine janapatengon, iani giminsa Shillong aro Tura-o IT park-rangko kulie on•an baksana optical fibre-rangkonba anenga ine Chief Minister parakataha.
Shillong-ni IT park, US aro Europe a•songni manderangnaba dangdike on•enga ine janapatskaengon, Meghalaya a•dokni chadamberangba, AI company-rangna kamko ka•e dingtang dingtang neng•nikanirangko namatna cholrangko mesoke on•enga ine Chief Minister aganaha.
2021 bilsi dipet gimik lak 1-mangni gita tablet-rangko Class XI-ni chatro chatrirangna suale on•aha aro 2023-24 bilsioba ia scheme-oniko sak 30,480 chatri chatrirang namgnirangko man•aha.
West Garo Hills a•jao ge 3000-mangni gita M-Tab-rangko suale on•anggen aro Mongolbar salni program-oba dam 21 higher secondary school-rangoni sak 400-na baten chatro chatrirang, tablet-rangko man•aha.
Skigiparangoniba, dingtang dingtang higher secondary skulrangoni sak 5,700-mangni gita skigiparang, ia tablet-rangko man•gen.
Na·simang ia video-koba nina man·gen:
Na·simang iakoba poraina man·gen: Tripura a•doko drugs aro ganja ge•ani tangka paisarang tang•dobaroroanina CM Manik Saha jajrengsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
