Tura, Sep 24: Central Agricultural University (Imphal)-ni ning•o Tura-o donggipa Community Science College-ni bilsi 21 gapaniko Mongolbar salo, Tura-ni District Auditorium-o maniangaha.
Ia salko manianio, Assam Agricultural University-ni Jorhat-o donggipa Community Science College-ni Dean, Dr Mamoni Das, mongsonggipa sokgipa ong•e bak ra•angaha aro unbaksana a•dokni DIG Dr Raghavendra Kumar-ba saksa mongsonggipa sokgipa ong•e bak ra•angaha.
Ia tom•anio a•dokni DIG Dr Kumar, jinmana aganprakengon, bilsi 21-ni gisepo ia college, salgro salaram jolni bang•a chadamberangkon mande ong•atna man•aha ine Community Science College-ni dal•roroani aro chu•sokanirangna mittelpilangenba, mikkangchiba apsan daken jolni chadamberangna a•gilsakni seng•aniko on•angkuchina ia college-ni dilgiparangna agan-ku•pattianirangko on•angaha.
Ia salko manianio, Community Science College-ni Dean Dr Jyoti V Vastrad-ba jinmana aganprakangengon, bilsi 21-ni gisepo ia college-ni chu•sokatgipa kamrangni gimin agan-talatanirangko on•angaha.
Ia tom•anio, re•anggipa jao ong•atanggipa Meghalaya State Badminton Championship-ni Under-13 Boys Singles Category-o Gold Medal-ko chebagipa Sixbirth M Marak-na dingtangmancha mande ra•pilskaaniko dakangjolaha aro ia college-ni bilsi 21 gapaniko maniani bak gita dingtang dingtang susaanirangko ong•atanio chegipa chatrirangnaba boksisrangko on•angjolaha.
Community Science College-ni bilsi 21 gapaniko manianio dongpae bak ra•anggipa gipin manderangara, Additional Deputy Commissioner Tengchi Margarette G Momin, Community Science College-ni gitcham Dean Dr Puspita Das, Community Science College-ni sakgipin gitcham Dean Dr Namita Singh aro gipinrang ong•a.
Na·simang ia video-koba nina man·gen:
Na·simang iakoba poraina man·gen: Meghalaya sorkari Shillong Airport-ko apalbatatanio adita niamrangoniko watchina ma•mongo bi•anggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
