Tura, Apr 22: Adita salrangna skang, Tura-ni ICFAI University sambao, dumper truck garichi salgakako man•e saknaa man•gipa me•chik bi•sani ja•ako Robibar salo, Tura Civil Hospital-ni doctor-rang operate ka•enba rattongna nangao ga•akaha.
Tura Civil Hospital-ni Superintendent Dr Inbert Marak-ni Hub News-na parakatani gitade, truck garichi salgakako man•e a•sel ong•anio, me•chik bi•sa sakgnioni saksa, ja•a be•na nangahani gimin uni ja•ako Robibar salon operate ka•aha indiba rasong gribee uni ja•ako rattongna nangao ga•akaha. Ia me•chik bi•sa adita namkalahaon, uni ja•ako operate ka•dapkuna nanggen ineba Dr Marak parakataha.
Iani bidingo Prema Sanse Marak-ni pagipaba Hub News baksa agangrikengon, ua demechikgipani ja•ako rattongnade on•na sikjahachim indiba doctor-rang uko didiahani gimin chol ong•teljae rattongna on•na nangaon ga•akaiaha ine suk ong•gijaniko parakataha.
A•sel ong•ani somoio uamangko grongna re•bagipa aro pilak nanga dakchakanirangko on•enggipa manderangkoba me•chik bi•sani pagipa mittelpilataha.
Re•anggipa Sonibar salpaksachibara, Tura-ni Balonggre jolo, scooty bolsako dumper truck bolsa salgake a•sel ong•aha aro ia a•sel ong•anio scooty-o re•angenggipa me•chik bi•sa sakgni, chong•motan bilsi 14 ong•gipa Prema Sanse M Marak aro bilsi 14 ong•gipa Aabaa Chedime G Momin, bilongbee saknaanirangko man•na nangahachim. Ia me•chik bi•sa sakgnioni Prema Sanse M Marak-de ja•a be•na gita nangahachim.
Ia a•sel ong•ani ja•man dumper gariko salgipa mande, ua biaponi katahachim aro ia dumper gariko gari nokgipa an•tangan Araimile police station-ona ra•bae donahaoba, gariko salgipa mande da•alona kingkingan an•tangko police-rangna bame on•ekujaenga ine kobor on•aha.
Iandake ia nokdangni neng•nikani aro kalimani somoio an•ching ia nokdangna kusiniko on•na man•jagenchimoba, an•chingni bil ama gita ia nokdangna tangka paisarangchi dakchakanirangko on•skana ine Hub News iachi na•simang sakantikon ku•mongrimatenga.
Na·simang ia video-koba nina man·gen:
Na·simang iakoba poraina man·gen: East Garo Hills-o mande sakgittamko so•otanina jegalgrima
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
