Tura, Sep 20: West Garo Hills Taekwondo Association (WGHTA) aro District Sports Office-ni nangrime ong•atenggipa West Garo Hills Inter Club (Kyorugi) Taekwondo Championship-ko Sukrobar salo, Tura-ni Indoor Sports Hall-o a•bachengataha.
Ia salgnina ong•atenggipa Taekwondo kal•susaanio, West Garo Hills a•jao donggipa dam 12 club-rang, chong•motan Indoor Sports Hall Club; Tura Casarina Public School Club; Chibragre-o donggipa St. John Secondary School; Rongram Taekwondo Club; Sewa Inland Mission School, Rongram; Police Public School, Tura; Don Bosco Higher Secondary School Taekwondo Club, Rongkhon; Don Bosco School Taekwondo aro Don Bosco Taekwondo Academy; St. Xavier’s Higher Secondary School Taekwondo Club aro Tura Amateur Taekwondo Club (Mother’s Union)-oni gimik sak 165 chadamberang bak ra•enga.
Ia Taekwondo Championship-ko me•a aro me•chik dolgninan gadangbri dake, chong•motan Sub-Junior, Cadet, Junior aro Senior category-o ong•atenga.
Ia kal•susaani skanggipa salo, me•a aro me•chikrangni sub-junior aro cadet category-rangna ong•atangchengaha aro gnigipa saloba dingtang dingtang gadangrango kal•susaanirangko ong•atangkugen.
Ia susaanio chegiparangko West Garo Hills a•jani pal State Championship-o bak ra•na gita watatskagen.
Na·simang ia video-koba nina man·gen:
Na·simang iakoba poraina man·gen: Jongksha songni manderang uamangni CHC-ko chipata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
