Tura, Sep 22: Tura-o me·asa aro me·chikrangna ong·atanggipa Inter Mahari Football Tournament ba Maharirangni robol kal·susaani, Sonibar salo matchotangaha aro ia bon·kamgipa kal·susaanio Bolwari aro Chambugong Maharirang chegipa ong·aha.
Me·asarangni bon·kamgipa kal·susaaniko Bolwari aro A·gitok Maharirangni gisepo kal·angaha aro ia kal·anio Bolwari Mahari goal 3-ko aro A·gitok Mahari goal-sakosan chipna man·e Bolwari Mahari chegipa ong·aha.
Bolwari Maharina jersey no. 10-ko gangipa Chekam B Marak, ga·subee kal·enba goal gittamkon saksan chipe on·aha.
Me·chikrangni bon·kamgipa kal·susaaniko Chambugong aro Mangsang Maharirangni gisepo kal·angskaaha aro ia kal·anio Chambugong Mahari goal 4-ko aro Mangsang Mahari goal 1-ko chipe Chambugong Maharian chegipa ong·aha.
Ia bon·kamgipa kal·susaanio Meghalaya a·dokni Chief Minister Conrad K Sangma-ba re·bae bak ra·angaha aro ia Inter Mahari Football Tournament-ko ong·atenganina organizer-rangko mittelpilangaha.
Ia robol kal·susaanio bak ra·gipa dingtang dingtang Maharirangko, robol kal·giparangko aro organizer-rangko mittelpilangskaengon, a·doko dingtang dingtang kal·susaanirangko nambatatna gita sorkari kam ka·enga ine Chief Minister aganaha.
Ia bilsio Meghalaya Games-ko West Garo Hills a·jao sokachakani chu·sokgipa ong·aha aro re·baenggipa 2025 bilsini January jao ia Meghalaya Games-ko Jaintia Hills-o ong·atskana sienga ineba Sangma aganaha.
Re·baenggipa bilsio Inter Constituency Football League-ko ong·atna sienga ine jinmana parakatengon, ia Inter-Constituency football tournament-o gipin biaprangoni robol kal·giparangko rimbae kal·atna man·jawa aro constituency-rangni robol kal·na changgipa manderangkon kal·atna nanggen ine Chief Minister aganaha.
Me·asarangni robol kal·susaanio dingtang dingtang boksisrangko man·anggipa manderangara, Oldest Player ba brebatsranggipa robol kal·gipani boksisko bilsi 60 ong·gipa Billy A Sangma, Best Goalkeeper-ni boksisko Bolwari Maharini Milden B Marak, Best Player-ni boksisko Bolwari Maharini Chekan Tengrik B Marak, Top Scorer-ni boksisko Tegite Maharini Marthus T Sangma aro unbaksana Best Disciplined Team-ni boksisko Dopo Maharina on·angjolaha.
Me·chikrangni kal·susaanio dingtang dingtang boksisrangko man·anggiparangara, Oldest Player-ni boksisko Dawa Maharini bilsi 45 ong·gipa Robita D Sangma, Best Goalkeeper-ni boksisko Ropina R Marak, Best Player-ni boksisko Donera Ch Marak, Top Scorer-ni boksisko goal 6 chipgipa Tengchira Ch Marak aro unbaksana Best Disciplined Team-ni boksisko Napak Mahari-na on·angskaaha.
Na·simang ia video-koba nina man·gen:
Na·simang iakoba poraina man·gen: Baghmara-o ong·atenggipa Capt Williamson Memorial Football Tournament-o Education Minister-ba bak ra·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
Download our app from playstore – Northeast Media Hub
