Tura, Jan 9: Sakantini nisengsoe dongenggipa dal•begipa kal•susaani Meghalaya Games-o bak ra•na gita, a•dokni dingtang dingtang bakoni kal•susagiparang bimungtangtangko segatna a•bachenganichi, Tura songjinma, a•dokni kal•susaanio gisiko nanggiparangni killa gita ong•aha.
Indake, ia kal•susaaniko, January jani 15 tarikosa, A•songni President oprake on•anggenchimoba, robol kal•susaaniko Budbar saloni a•bachengatna gita tarisamsoaha.
Meghalaya Games-o me•asa dolni robol kal•susaanio susaana gita, West Garo Hills a•jani dol 16 kal•susagnigiparang, ISBT Tura-o bimungtangtangko segataha.
Ia Meghalaya Games 2024-o, Khasi, Jaintia aro A•chik jatrangni kal•rongbaenggipa kal•susaanirangko nangrime ra•gatanichi, itihas-o bimung segatnasia. Rokomanti kal•susaaniko kal•atan baksa jatni kal•susaaniko man•chapate kal•anichi, ma•gitcham pagitchamrangni kal•rongbaenggipa kal•susaania, jatni dakbewal rikbewalrangoni bak ong•a ine chadameberangna u•iataniko on•a ine miksonge ra•chape kal•atani ong•achim.
Batanggimin somoio, a•dokni Skotong Minister, Conrad Sangma, sak 3000-na batpile bak ra•giparang, dingtang dingtang biaprango aro chadambeskarang baksa bakrimna cholko man•anggen ine janapataha. Unbaksana, bak ra•enggipa sakantini be•en bimangni gita an•sengbaljoke donganiko tangdoatna gita, Meghalaya Games-ko Fit India Program baksa chaprimenba ong•atangna gita a•dok sorkari mangsongenga ineba ua kan•dike talate on•angaha.
Indake, batanggipa bilsi 17-ni gisepo Meghalaya Games-ko changgnisan ong•atrongaiachim ineba ua aganaha. Mikkangchi ia kal•susaaniko Nongstoin a•jao sokachakanggen ba gipin kragipa a•jao nigrikenba sokachakaniko dakanggen ineba ua agandapataha.
Iakoba poraie nina man·gen: M’laya Games-ni bil·chamko Shillong-oni so·chakata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
