Tura, Mar 29: Garo Hills a·jao tangka paisa gita dangdike on·aniko batatna miksonganio, India a·songni dal·batsranggipa private sector bank HDFC-ni 25-gipa branch-ko Tura-ni Araimile-o rikgipa gital buildingko, Sonibar pringni bako Skotong Minister Conrad K Sangma nokdonggae on·angaha.
Ia program-o, gitcham MP Agatha K Sangma, West Garo Hills a·jani SP Abraham T Sangma, Tura Minucipal Board-ni CEO Rikse R Marak aro St. Mary’s School-ni Principal Father Thomas John dongpae bak ra·angaha.
Skotong Minister jinmana aganprakengon, songadam aro songjinmarango dongenggipa manderangni janggi tanganiko tang·doatanio Bank-ni gita mongsonggipa bakko ra·e kam ka·ani bidingo aganan baksa iandake Bank-rangko baridapatanichi badingchiwale cha·enggipa, ge·e game cha·enggipa aro chadamberangna dakchakaniko on·a aro uamangni janggi tanganiko tang·doatna cholko on·gen ine aganaha.
Unbaksana, ning·tugipa biaprango Bank-rangko baridapatgenchimode rika cho·ani kamrangko sorkarini gita dakchakaniko on·gen ineba Skotong Minister ku·rachakangaha.
Gitcham MP Agatha K Sangma-ba, ia bank-o tangka paisani gita dangdike on·aniko bariatan baksana a·jao donggipa chadamberangna kam ka·e cha·na cholko nakatataniba ong·enga ine aganaha.
Uamangna agreba, kamoni neng·take dongenggipa IFS Officer CP Marak, Executive Chairman of MBOSE, Bank-ni gamchatani gimin aganangaha aro Tura Minucipal Board-ni CEO Rikse R Marak-ba Bank-ni gita me·chikrangna aro chadamberangna financial literacy programme-rangko ong·atchina didiataha.
Na·simang ia video-koba nina man·gen:
Na·simang iakoba poraina man·gen: Dalu block-o Solar light aro Electric Pressure Cooker-ko CM a•bachengate on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
