Tura, Sep 29: Bristibar pringo, Tura-ni Nakham Bazar-oniko Forest department-ni rim•na man•gipa makkreko Sukrobar salo, Wilflife Trust of India-ni Dr Daoharu Bora-ni dakchakanichi naljokao donatna gita man•aha.
Batanggimin sal somoirangonin katbrange dongenggipa ia makkre, Tura Bazar-ni wilwilao manderangko chikengani a•sel ian manderangna kenchakna nangani ong•engachim aro ia makkreko re•anggipa antirangonin Forest department-ni manderang rim•na gita jotton ka•engachim.
Indake ong•engon, Bristibar salo, Wildlife Trust of India-oni watatako man•e Dr Doaharu Bora, Tura-ona re•bae, Forest department-ni manderang baksa ia makkreko Tura-ni Nakham Bazar-oniko rim•enba samchi sibokatna man•aha.
Samchi sibokatani ja•man ia makkreko Nehru Park-o donggipa Mini Zoo-ona ra•angaha aro uano Veterinary official-rang, samchi sibokata man•gipa makkreko porikka ra•e niaha.
Ia makkreko rim•ani bidingo DFO RK Marak, Hub News baksa agangrikengon, Wildlife Trust-ni Dr Boro Bristibar salon sokbae, Sukrobar pring 5:00 bajimangon ia makkreko sandina Tura Bazar-ona re•angenba, makkreko Nakham Bazar joloniko rim•na man•aha ine parakataha.
Veterinary department-ni official-rang, ia makkreko porikka ra•e nion, uni obosta name dongkuenga ine ma•sina man•aha ineba Marak parakataha.
Ia makkreko an•seng baljokanio rakkina gita Forest official-rang name nirokanggen ineba DFO parakataha.
Iakoba poraie nina man·gen: Ayushman Bhava Campaign-ko Tura-o ong•atanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
