Tura, Aug 28: Robibar salo skanggipa changna lekka do·reng watsusaaniko, Wild Tour Garo Hills aro Tura Adventure Club nangrimenba, Tura-ni Chasingre-o donggipa Inter State Bus Terminus (ISBT)-o ong·atangaha.

Ia lekka do·reng watsusaaniko bakgittam dake, chong·motan Solo Dogfight ba sakprak ratgrikani, membor sakbonga gnang Squad Dogfight ba dol dake ratgrikani aro Most Creative Kites ba dingtang dingtang bewalo tarigipa lekka do·rengo ong·atangaha.

Ia lekka do·reng watsusaanio sak 100-na baten manderang, bimingtangtangko segate bakko ra·angtokaha aro ia susaanio West Garo Hills a·jani Deputy Commissioner Swapnil Tembe, mongsonggipa sokgipa ong·e bakko ra·angenba, lekka do·reng watsusaanio chegiparangna boksisrangko suale on·angaha.

Tura-o skanggipa changna lekka do·reng watsusaaniko ong·atahani gimin West Garo Hills-ni DC kusi ong·aniko parakatengon, mikkangchi ia lekka do·reng watsusaaniko bilsiantian ong·atangchina gita didianiko on·angaha.

Ia lekka do·reng watsusaanio chegipa manderangara, doldol dake lekka do·reng watsusaanio ‘Do·reng Squad’, Solo ba saksangrik lekka do·reng watsusaanio – Mesrang Sangma aro Most Creative Kite-o Bandasal Sangma ong·a.