Tura, May 1: Bristibar saloni a•bachenge, ‘Synergy 2025’ inter-college student exchange program-ko salgittamna Tura-ni Don Bosco College of Teacher Education (DBCTE) Hall-o ong•atenga aro ia program-o Tura-ni damsni college-rang bak ra•enga.
Ia inter-college student exchange program-ko Tura-ni Don Bosco College ong•atenga aro ia program-ko dingtang dingtang college-rango poraienggipa chatro chatrirangni gisepo meli-nangrimaniko bilakbatatna, an•tangtangni u•i-ma•sianirangko sualgrikna aro saksa sakgipinko didigrikna miksonge ong•atenga.
Ia program-ko West Garo Hills a•jani Deputy Commissioner Vibhor Aggarwal, a•bachengate on•angengon, chadamberangni gisikrangko tarianio iandakgipa program-rangni gamchatgipa ong•ani gimin aganangenba, iandakgipa program-ko a•jani gipin biaprangoba ong•atchina didianiko on•angaha. An•tangni janggi tanganio skie ra•anirangko chatro chatrirangna parakangengon, chatro chatrirangko pangnan dal•e chanchichina gita DC, agan-ku•pattianiko on•angaha.
Iana skang, Tura Don Bosco College-ni Principal Rev Fr Januarius S Sangma, rimchaksoani kattarangko aganangengon, iandakgipa dingtang dingtang dolrangni apsan tom•e chanchirimanio gamchatgipa ong•aniko talatangenba, West Garo Hills a•jani gital Deputy Commissioner-na rimchaksoaniko aganangaha.
Ia program-ko ong•atanio, Reserve Bank of India (RBI)-ni gitcham Chief General Manager Beryl B Sangma, janggi tanganio ra•bianirangko chagrongani, an•tangtango ka•donganiko tariani, saksa sakgipin baksa agangrikaniko namdapatna aro chu•sokaniko man•na tarisoani bidingo chatro chatrirangna agan-ku•pattianirangko on•angaha.
Ia program-ko ong•atani bidingo Don Bosco College-ni Associate Professor Dr Madhusudhan Saha, Hub News baksa agangrikengon, ia programara, saksa sakgipin baksa agangrikna, skie ra•grikna aro apsan ong•e dal•rorona dingtang dingtang college-rango poraienggipa chatro chatrirangko apsan tom•chimongna miksonge ong•atenggipa program ong•a ine parakataha.
Na·simang ia video-koba nina man·gen:
Na·simang iakoba poraina man·gen: JNC Khliehriat powergrid-oniko sak 9 home guard-rangko ra·galanina jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
