Tura, Aug 14: Budbar salo, Guwahati songjinmaoni North Eastern Development Finance Corporation Ltd (NEDFi), Tura-ni District TB Hospital-o sae donengenggipa manderangna ma•manti cha•ani bosturangko suale on•angaha.
Ia program-ko Pradhan Mantri TB Mukt Bharat Abhiyan-ni ning•o ong•ataha aro ia program-ko ong•atanio West Garo Hills a•jani District Tuberculosis Officer (DTO) In-charge Dr Riksilchi M Sangma, NEDFi-ni Deputy General Manager Saiedul Hussain, Tura-ni Additional DM&HO Dr Suparna Roy Hajong aro District TB Hospital-o kam ka•enggipa manderangba dongpae bak ra•angaha.
Ia program-ni ning•o NEDFi, West Garo Hills a•jao TB saenggipa sak 50 manderangna jadokna, cha•ani bosturangko on•anggen aro ia cha•ani bosturangara, merong kg 6, dal kg 3 aro cha•ani to litre 2 ong•a.
Ia manderangna NEDFi-ni official-rang, jagniprakon ia cha•ani bosturangko suale on•anggen.
India sorkarini nisan dongimin gita 2025 bilsini gisepon West Garo Hills a•jakoba TB-oni jakgitel ong•gipa a•ja ine parakna District TB Hospital rakbee kamrangko ka•enga.
Na·simang ia video-koba nina man·gen:
Na·simang iakoba poraina man·gen: Central Reserve Police Force (CRPF) Shilling-o Tiranga rally-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
