Tura, Oct 21: West Garo Hills a•jao re•anggipa October 7 tarikoni a•bachenge October 21 tarikona Wildlife Week-ko maniangaha aro ia Wildlife Week-ko maniani bak gita antigimik dingtang dingtang susaanirangko skulrango poraienggipa chatro chatrirangna ong•atangaha.

Ia Wildlife Week-ko East aro West Garo Hills Wildlife Division-ni District Forest Office, IPTAC baksa nangrime ong•atangaha aro ia manianiko matchotatani salo, West Garo Hills a•jani Deputy Commissioner Swapnil Tembe, mongsonggipa sokgipa ong•e bakko ra•angaha.

Ia Wildlife Week-ko manianio Photography ba jachipchangsusaani, Drawing ba noksa salsusaani, Painting ba rong nongsusaani aro Poem ba poedo sesusaanirangko chatro chatrirangna ong•atangaha aro susaanirango chegipa chatro chatrirangna, ia manianiko matchotatani salo boksisrangko suale on•angaha.