Tura, June 14, 2024 : Tura Civil Hospital-ni Blood Centre, West Garo Hills a•jani State Blood Transfusion Council aro State Blood Cell, National Health Mission baksa bakrimenba Tura Civil Hospital-o “20 years of celebrating giving : Thank you, blood donors” ine katta bichongko done, World Blood Donors Day-ni salko maniangaha. Ia tom•anio, West Garo Hills-ni Deputy Commissioner Jagdish Chelani mongsonggipa sokgipa ong•e tom•anio bakko ra•angaha.
WGH a•jani Deputy Commissioner Jagdish Chelani tom•anio aganengon, pilak an•chi on•a re•bagipa sakantikon mittelan baksana, an•chi on•chakani gamchatani gimin aganangenba, bang•bate manderangni janggirangko jokatna man•a gita bang•a manderangkon an•chi on•anio bakko ra•pachinaba didianangaha. Sanna bannaniko namdapatna aro pilaknan chu•onga gita sanna bannaniko gipatna sorkarini krenge kamrangko ka•engani gimin aganangan baksana, a•doko songdongenggipa manderangna nangan salo dakchakaniko on•a gita pangkamgipa sanna bannani cholrangko nangchongmotani giminba ua aganangkuaha.
Tura Civil Hospital-ni Superintendent, Dr I C Marak, ia bilsini katta bichongde ian gamchatbegipa janggirangko naljokatna gita an•tangna chanchipilgija an•chi on•chakbaenggipa sakantikon mittelan baksana uamangko mande ra•aniba ong•a.
Ia program-o, mongsonggipa sokgipa aro gipin sokbagiparang an•chi on•chakgipa manderang chongmotan 200 Bn BSF Danakgre, 1st Bn, BSF Danakgre, HDFC Bank Tura, iamangko mitelpilaniko dakangaha.
West Garo Hills-ni District Medical and Health Officer, Dr. Jakrimbal A Sangma, Tura Civil Hospital Blood Centre-ni Incharge, Dr T G Momin aro Dr Zeany T Ch Momin, maangba ia tom•anio aganangaha.
Na·simang ia video-koba nina man·gen:
Na·simang iakoba poraina man·gen: ICFAI-ni chang 5-gipa Convocation-o M’laya CM bak ra•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
