Tura, Feb 4: Mongolbar salo, Tura Civil Hospital-ni Oncology department, World Cancer Day-ko manidilangaha aro ia program-ko Tura Civil Hospital-ni Diabetologist Dr Cynthia R Marak dilangaha.
Ia World Cancer Day-ko maniani bak gita program-ko ong•atanio, Tura Civil Hospital-ni Radiation Oncologist Dr Silchang K Marak, tom•anio bak ra•giparangna aganprakengon, Cancer sabisini bidingo talatanirangko on•angenba, maikai ta•makku jakkalanichi cancer saaniko champengna man•gen, uarangni giminba agan-talatanirangko on•angaha.
Dr. Jeby K Marak, OncologistIa tom•anio, Tura Civil Hospital-ni Dental Surgeon, Dr Menokichi D Sangma-ba jinmana aganprakengon, pringo changsa aro walo tuna skang changsa dake salo changgni wagam natako ranta ka•china manderangko ku•pattiangaha. An•tangtangni ku•sikrangko sabisi sakanchirangoniko naljoke rakkina gita ta•makkurangoni chel•e dongchinaba Dr Sangma didiangaha.
Ia tom•anio, TCH-ni Diabetologist Dr Cynthia R Marak-ba, tom•anio bak ra•giparangna aganprakangengon, cancer, ka•tongni sabisi, Cardiovascular disease aro diabetes saanirangko ma•sina gita seng•gnang porikka ra•e nina nangani gimin aganangaha. Breast Cancer saani bidingoba ua jinmana agan-talatanirangko on•angaha aro maikai ia saaniko chel•chakna man•gen, uarangni giminba talatanirangko on•angaha.
Ia program-ko ong•atanio, jinmana aganprakanggipa gipin manderangara, TCH-ni Physiotherapist Billy Graham M Marak aro gipinrang ong•a.
Ia World Cancer Day-ko maniani bidingo Dr Cynthia R Marak, Hub News-na talate on•angengon, Cancer sabisini dingtang dingtang rokomrangko manderangna talate on•na ia salko bilsiantian uamang manienga ine parakataha.
Na·simang ia video-koba nina man·gen:
Na·simang iakoba poraina man·gen: Wa•a aro epoxy resin baksa brine mangrakgipa bunker-ko tarina Indian Army aro IIT Guwahati soi ka•grika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
