Tura, Oct 17: Garo Hills-o donggipa ma•manti matburingrangko am•sandie niani bidingo Forest aro dingtang dingtang department-rangko man•chape, dingtang dingtang dolrangna agan-talatanirangko on•na gita India sorkarini Environment, Forest & Climate Change Ministry-ni ning•o donggipa Zoological Survey of India (ZSI) salgnina workshop-ko Tura-ni Dakkopgre-o donggipa Forest office-o ong•atangaha.
Garo Hills-o mongma aro manderangni gisepo nanggrikanirang aro bang•a changon mongmarang, dingtang dingtang songrango nape, manderangko aro manderangni gam-jinrangko nisie galengani gimin iandakgipa kamrangko Forest department-ni manderangna nanga gita dakchakanirangko on•na miksonge ia workshop-ko ong•ataha.
Ia workshop-ko ong•atanio dingtang dingtang department-rangoni sak 50-mangni gita manderang bak ra•angaha aro uamangna GSI-ni scientist aro research dakgiparang, dingtang dingtang katta bichongrango pangchake, agan-talatanirangko on•angaha.
Ia workshop ba training program-ko ong•atanio bak ra•anggipa manderangoni mitamranga, NEHU Tura Campus-ni ning•o donggipa Horticulture department-ni Head Prof CP Suresh, ZSI Chennai-ni Scientist-E Dr KA Subramanian, ZSI Kolkata-ni Head aro Scientist-E Dr Lalit Kumar Sharma aro gipinrang ong•a.
Na·simang ia video-koba nina man·gen:
Na·simang iakoba poraina man·gen: Community Science College-o World Food Day-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
