Tura, Aug 14: Tura Runner’s Club-ni manderang, August 14 tarik, Sombar pringo club-ko songchengani bilsi chang 9-gipako Chandmari football kal·chakram biapo gisik ra·aniko dakangenba kal·chakramko rontal-an·talatangaha aro ia rongtal-an·talatanio sak 20 manderang bakko ra·angtokaha.

Tura Runner’s Club-ko batanggimin 2015 bilsio a·songni jakgitelaniko manina skang August 14 tariko district sports office-ni ong·atgipa katsusaatanio bakko ra·anggipa manderangoni mitamrang ku·mongrimenba ge·sa club-ko bikotchengahachim aro ia club-ko da·alo Dr. Ramona Sangma, club-ni president ba padot ong·e re·dilenga.

Iani bidingo club-ni secretary, Dr. Silnang Marak, Hub News baksa agangrikangengon, club-ko songchengani bilsi chang 9-gipako gisik ra·na mangmang chinga da·alo Chandmari kal·chakrami wilwilako rongtal-an·talatangaha aro iana agreba, minggipin dakgiparang jekai, bol chararangko ge·ani, samtangtangko ripingani aro uandakgiparangni gimin manderangna agan-ma·siate on·na gita songrangchi wenanikoba dakenga ine parakataha.

Dr. Silnang-ni aganangkuani gita, re·baenggipa November 5 tariko uamangni mongsonggipa marathon katsusaaniko Turathon ine bimingko donenba gadang 4 dake, chong·motan — full marathon, half marathon, 10km run aro 5km fun run-ko ong·atnasienga. Turathon-o bak ra·na gita online biming segataniko September 1 tarikoni a·bachenggen aro offline biming segatanikoba ja·manchi a·bachengatgen ine ua aganangkuenba, ia katsusaanio chegipana dal·a boksiskoba donsoenga ine ua agandapataha.

Iakoba poraie nina man·gen: Ri Bhoi a•jao Prime Hub aro Pineapple Processing Unit-ko CM kulie on•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub