Tura, Nov 27: Tura songjinmao donggipa Tree house resort-o skanggipa changna sky cycling-ko GHADC-ni Deputy CEM Nikman Marak-ni jakchi oprake on•nangaha.
Ian Meghalaya gimikoba skanggipa sky cycle-ko songdonggipa manderang jemangan kal•susaani a•bao gisiko nangan baksa adventure-ko namnikgipa manderangna cha·tote niani gitalgipa cholba ong•chengaha.
Tom·aniona mongsonggipa ong•e sokbagipa GHADC-ni Deputy CEM Pa Nikman Marak, An•chingni Tura songjinma Assam a•doko ge·sa gitchambatgipa city ong•a. Iako 1882-o nokma a•kingko sualna skang an•chingko schedule area ba ja·manchakgipa biap uko an•tangtangni ja·rikbaenggipa sason ka•ani bilrangko jakkale a•songko chigako rikchina ma•mong dake songchengaha aro ian Assamni ning·o Britishrangchi sason ka•anio bilsi 100 batpilaha aro da•o Meghalaya-ko man•ani ja·manoba bilsi 50 gappilaha indiba an·chingo indake dingtang dingtang kal•anirang aro songrebagipa manderangko salbana bang·gija cholrangsan dongaiani gimin iaba mingsa nambegipa ja·ku de·ani ong•a ine janapataha.
Tom·aniko chalaidilgipa Tree House Resort-ni nokgipani jikgipa Ma Joyti Tasha Marak tom·aniona re·bagipa manderangna janapatengon uamang re·baenggipa sal somoirango jemanderangan adventure-ko namnikachim uandakgipa manderangna Rock climbing, Ziplining aro nokningo kal•gipa kal•anirangkoba tarina miksonganikoba janapataha.
Tree House ni nokgipa Pa Ronald Rikman Sangma, ia sky cylingko gadoe nina badita tangkarangko game iako jotton ka•e nina man·gen ine singon, iako gadona tangka gong 500 baksana GST-ko man•chape chu•gimik tangkagong 590-ko gamna nanggen ine janapataha.
Tom·anio Tura State bank of India-ni Regional manager Pa Abhijit Dutta, Tura Baptish Churchni dakchakgipa pamong Pa Akim Sangma, DIPR-ni Assitant Director Pa Francis K Marak, aro gipinrang ia oprakanio bakko ra•angtokaha.
Na·simang ia video-koba nina man·gen:
Na·simang iakoba poraina man·gen: UNESCO-ni World Heritage site Charaideo Maidam-ona dingtang dingtang dolni dilgiparang re•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
