Tura, May 24: A•gilsak gimikni skanggipa dakgrikanio France a•songona dakchakna re•anggipa A•chik matgrikrangko mande ra•na Tura-o rikgipa cenotaph-ko Sukrobar salo, Meghalaya a•dokni Chief Minister Conrad K Sangma nieaha aro ia biapko nambate taridapna gita gong crore 2 tangkarangko on•gen ine parakataha.
Tura-ni Babupara-o donggipa War Memorial-ko ong•gija dake jakkalengani gimin Hub News-o parakatani ja•man Chief Minister an•tangan ia biapko Sukrobar salo nina re•angaha aro ia biapko nambate taridapna gita gong crore 2 tangkarangko on•na tik ka•angaha.
Chief Minister-ni aganani gitade, ia biapara a•gilsak gimikni skanggipa dakgrikanio dakchakanirangko on•pana gita France a•songona re•anggipa A•chik matgrikrangko mande ra•na tarigipa biapsa ong•ani gimin Garo Hills-o songdongenggipa manderangna namen gamchatbegipa biap ong•a aro ia biapko nambate aro nitobatate taridapna gita sorkari tangka paisarangko chame on•anggen.
Ia cenotaph-o bilsiantian July-ni 16 tariko, France a•songona re•anggipa A•chik matgrikrangko gisik ra•e mande ra•pilskana gita Garo Labour Corps Day-ko manironga aro iako Tura Municipal Board jako ra•e nirokengachim.
Na·simang ia video-koba nina man·gen:
Na·simang iakoba poraina man·gen: SSLC porikkao Tura-ni skulrang Garo Hills-na mikkim rasongko ra•baa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
