Tura, Dec 9: Tura Youth League robol kal•susaaniko Tura-ni Chandmari Football Turf-o Sombar saloni kal•na a•bachengataha.
Ia tournament-ko District Football Association (DFA) ong•atenga, jeon, bilsi 18-na komigipa chadamberang dol 8 mang bak ra•enga.
Ia tournament-o susana gita dolrangko bakgni dake sualaha jekai, Group A-o West Balalgre, Rongkhon Sporting, BOCA Juniors aro Chandmari FC aro Group B-o Danakgre YSCA, Selsella SA, Blue Maxx aro Chipakkore FC dol dake sualaha. Indake, ia dolrang 70 minute mangna susagen, jeon, 10 minute mangni gita neng•takani somoiko man•gen.
Ia tournament-ko oprakani salo, Rongkhon Sporting aro Chandmari FC dolni gisepo kal•susaangaha aro ia susaanio Rongkhon Sporting dol 2-0 goal-rangko man•e chegipa ong•aha. Indake, gnigipa bakni susaanio, Selsella SA dol 2-0 goal-rangko man•ange, Blue Maxx dolni kosako chegipa ong•skaaha.
Ia kal•susaanio chegipa dolrang dolrang Semi-final-ona doanggen jekon, December 16 tariko kal•angskagen.
December 10 tariko gipin dolrang, chong•motan Danakgre YSCA aro Chipakkore FC dolrangni gisepo salni 1 bajio kal•susaanggen aro uni joljol 2:30 bajio, West Balalgre aro BOCA Junior dolrangni gisepo susagrikangskagen.
Na·simang ia video-koba nina man·gen:
Na·simang iakoba poraina man·gen: Salgro salaramni dam 4 a•jarangko sona badingsrukanio mongsong jakkalenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
