Williamnagar, April 22: Meghalaya Cricket Association-ni ong·atenggipa 2025 bilsini U-16 Boys Inter District Cricket Tournament-ko Meghalaya A·dokni damgni District rango ong·atenga. Zone-1 ni kal·anarirangko Jowai West Jaintia Hills District-o aro Zone-2ni kal·susaanirangko North Garo Hills District-ni Mendipathar-o ong·atenga. Zone-1-o Khasi Hills jolni Team 8 aro Zone-2 o Garo Hills jolni Team 4 bak ra·angenga.
Indake da·al salni bak-o ia U-16 Boys Cricket Tourrnament ko North Garo Hills District Cricket Association(NGHCA) a·bachengate on·aha aro iano a·bachenge kal·anio Tura District Cricket Association(TDCA) baksa North Garo Hills Cricket Team kal·aha aro ia kal·anio TDCA Cricket Team North Garo Hills Cricket Team ko wicket 5 chi cheaha.
Ia tournament ko a·bachengatanio, North Garo Hills District Cricket Association (NGHCA)ni President Sengnab Momin, Meghalaya Cricket Assocoation-ni A·chik a·songni bi·sarangna cricket kal·ani a·bako ra·dona miksonganiko parake dolgni player rangna nama skaniko on·enba, uamangna ku·patianiko on·angaha.
Na·simang ia video-koba nina man·gen:
Na·simang iakoba poraina man·gen: Pope Francisni sianina sal 9 na kingking kalimaniko dakna Tura Diocese parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
