Shillong, Dec 14: BCCI-ni ong•atenggipa U-23 Men’s State A Trophy-o susana gita Meghalaya dol tarisamsoaniko dakenga aro ia susaanio susana gita sak 15 kal•susagni chadamberangko Meghalaya Cricket Association (MCA)-ni gita seokaha.

Ia tournament-o Meghalaya dol, changgittam susaaniko joljol Nagpur-o kal•anggen aro skanggipa susaaniko Maharashtra dol baksa Robibar salo, December 17 tariko Railways dol baksa aro 19 tariko Baroda dol baksa kal•susaanggen.

Battanggimin somoio Col CK Nayudu Trophy-ko ong•atanio, changbonga match-rango kal•susaanio Meghalaya dol chena man•jaha. Ia kal•susaanio robol ta•rake gona sapgipa Abhishek Kumar, sak 13 wicket-rangko ra•na man•enba top 60-o bimung nakatpaaha aro ball ka•sine gona sapgipa Manish Sharma, sak 11 wicket-rangko ra•skaaha.

Ia dol 3 baksa kal•susana seoka man•giparangara, Sachin Kumar (WK), Thunun Marak (WK), Rohit Kumar Yadav, Kevin Sanjeev Christopher (C), Manish Sharma(VC), Josiah Momin, Bharat Gurung, Aman Kumar, Abhishek Kumar, PM Santhosh, Gulgul Sangma, Navin Kumar Rai, Gavineal J Marpna, Banialam Mylliemngap, Purav Agarwal ong•a. Standby-na seoka man•giparangara, Bipin Kumar Ray, Agreas Cham Cham Sangma, Swastic Chettri, Avinash Rai, Ronnie Sangma ong•a.

Indake, Meghalaya dolni support staff member-rangara, Neetesh Sharma(Head Coach), Synrapsing Riahtam (Assistant Coach), Emidao Dhar (Physio), Skhembor Khongbtep(Trainer), Wonderful E Pakyntein (Manager) ong•a aro iarangan kal•anio bak ra•enggipa dolko nirok simsakanggen.

Na·simang ia video-koba nina man·gen: 

Na·simang iakoba poraina man·gen: Jaintia jatrangna nangchakegipa kamrangni kosako nirokatchina JNC dabia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub