Shillong, Dec 30: Sombar salo, a•songni jakgitelanina dakgrikanggipa matgrik U Kiang Nangbah-ni chang 162-gipa siani salko, Shillong Civil Hospital-o gisik ra•aniko dakangaha.
Khun Hynniewtrep National Awakening Movement (KHNAM)-ni President, Thomas Passah, U Kiang Nangbah-ni siani salko gisik ra•na nangchongmotani gimin aganengon, uan chong•motgipa matgrik ong•a aro uni siani sal 162 mang ong•ahaoba, uni a•songna on•kanganiko aro ka•donganirangko gisik ra•engkua aro ian a•dokni manderangko mongsongbate Khasi Jaintia jatrangko didiani ong•enga ine aganan baksa, ia chasongo Kiang Nangbah-ni a•songna on•gilpaaniko gualangengahanina suk ong•gijanikoba parakangjolaha.
U Kiang Nangbah-ni siani salko dal•e manijaenganinaba ua sorkari ni kosako matnangataha aro ua saksa mande ra•ako man•a kragipa ong•ani gimin, nambata gadango uni siani salko gisik ra•aniko dakchina ineba ua sorkariko didiangataha.
Unbaksaksana, District Council office nokmikkango uni mangkrongko songchinaba District Council-ko ua mol•molataha.
U Kiang Nangbah, Meghalaya a•dokoni saksa niksenggipa mande ong•a jean, 19th century-mangni somoio British-rangni a•songko sason ka•engmitingo, a•songni jakgitelanina 1862 bilsimango British-rangni kosako chakataha. Indake ong•genchimoba ua chu•sokgipa ong•na man•jaha aro janggitangko gimaatna nangao ga•akaha aro jakgitelanina dakgrikani itihas-o uni bimung nakataha.
Na·simang ia video-koba nina man·gen:
Na·simang iakoba poraina man·gen: Bilsi gital ga•dapnasiengon Kut songo nokdang ge•sani nokko wa•al kama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
