Shillong, Jan 9: United Democratic Party (UDP)-ko man•gnina rikgipa ine okamanina opposition-o donggipa Voice of the People’s Party (VPP)-ni kosako matnangataha.
UDP-ni General Secretary Jemino Mawtohoh, VPP-ni uamangni dolko man•gnina rikgipa dolrang ine okamaniara kragijani ong•an baksana democracy aro politics maidake kam ka•a uko ma•sigijani ong•a ine aganangaha.
VPP-ni ku•wattimgipa Batskem Myrboh-ni, UDP dolrangko a•dok sorkarini bak ong•e mangmang bilakbatgipa dake mesokgiparang ine matnangatanina aganchakaniko on•angan baksana, opposition-o ong•a misikana tol•e matnanganiko dakna man•ja, ineba Mawthoh aganangaha.
2023 bilsini Assembly election matchota jaman, VPP dolrang dingtang dingtang dolrang baksa bakrime sorkariko rikna jotton ka•ahachim, jean kragijani ong•a ineba ua agandapangkuaha. “TMC, Congress, VPP, HSPDP, UDP aro NCP dolrang apsan bakrime kam ka•rimna gita man•gen ine chanchiama?” inenba Mawthoh sing•doatskaaha.
UDP-ni General Secretary, Jemino Mawthoh, doltangko matnangataniko warachakan baksana bakrime a•dokko sason ka•anio aro rikanio uamangni on•gilanirangko u•iate on•angaha.
Coalition politics-o dolsa dolgipinni ku•cholsan ong•aniko nanga aro UDP dolrang kakketko dakani gisepon manderangni namnikanikoba mande ra•e ra•chaka ineba ua aganangaha. Nangan somoiode uamang sorkari ba uamangni doltangni mandeni kosakoba matnanganiko dakna kenja maina ian democracy-ko bilakbatatna dakchaka, inenba Mawthoh u•iataha.
Party-ni kosako matnanganiko jegalatengon, UDP jakgitelen kamrangko ka•baenga aro doltangni manderangko apsan ku•cholsan ong•e rakkironga. Gipin dolni member-rang gita dakgija uamangni MLA-rang aro MDC-rang je ong•oba kakket ong•e doltangon bakrime dongaigiparang ong•a ineba u•iataha.
Mikkangchi uamang chu•onga gita chakpaaniko man•ja ong•ode maidake bakrimgipa doltangko nigalna gita man•gen inenba, Mawthoh VPP-ni matnangataniko kosako sing•doataniko dakataha. Sason ka•anio uamang dakchakaniko on•a man•a ong•ode maina uamang sorkari baksa bakrimjawa ine sing•aniko dakatengon, sorkario dongana jrip dongaia ong•ja, uamang bang•a changon nangan salo sing•doanirangko dakan baksana nanga ong•ode minister-rangko ra•galchinaba aganronga ineba ua parakataha.
Mawthoh, VPP-ni candidate seokani bidingo party member-rangni gisepon meligrikgijaniko aganenba matnangatskaaha. Indake ong•engon, UDP dolrang manderangni namnikaniko mikkango donne kamrangko ka•giparang ong•a, VPP gita nangai nangjai matnange roanirangko dakgipa ong•ja ineba janapataha.
Na·simang ia video-koba nina man·gen:
Na·simang iakoba poraina man·gen: Bike cha•oanina sakgniko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
