Nongpoh, Jan 13: Nongpoh songjinma sepango donggipa Umshangling songni Village Council aro ua jolo songdongenggipa songni manderang baksa nangrime, darangni a•kanga man•gijagipa manggisirangko gopchakram biapo u•ina man•gijagipa manggisiko name gope galjani gimin Ri-Bhoi a•jani Deputy Commissioner-o badi ka•angaha.
Umshangling songni dilgiparangni aganani gitade, ia u•ina man•gijagipa manggisiko name gopjani a•sel a•chakrang altuae manggisiko billenba be•enni bakrangko song ning•ona balangaha jeni a•selan songgimikchin manggisini soa gipangaha aro ia soa simani bibako chakgenchimode mandeni be•enna namgijako ong•atgen ine nikna man•a.
Indake songni nokma James Maiong aro Vincent Sohkhwai-ni dilanichi Umshangling Village Council aro songni manderang, ia manggisiko name gope galgijagipa manderangni kosako bichal ka•china Deputy Commissioner, Abhilash Baranwal-na seachi mol•molataha.
Kobor ra•timgiparang baksa agangrikengon, Vincent Sohkhwai aro Anjelina Tado, songni manderangni on•gimin gopram jekon darangni a•kanga man•gijagipa manggisiko gopchakna jakkalengachim, ia gopramo kragija kamko ka•gipa manderangni kosako raken jegalataha aro iandakgipa kamrangni kosako a•jani authority-rang raka ja•kuko de•na man•jagenchimode, mikkangchi iandakgipa manggisirangko ia gopramo gopchakna on•jawa ineba mikrakataniko on•ataha. Una agreba, mikkangchi ia gopramo manggisirangko gopna nanggenchimode, Village Council-na u•iattimna gita a•jani authority-rang saksako mande rakkina nanga ineba uamang janapataha.
Indake uamangni badi ka•anina Deputy Commissioner-ba, district police aro Nongpoh Town Committee baksa chanchirimaniko dake kamko ka•anggen ine aganan baksa, ia obostani bidingo name sandianiko dakanggen aro mikkangchi iandakgipa obostarangko ong•taina on•jawaha ine ku•rachakangaha.
Na·simang ia video-koba nina man·gen:
Na·simang iakoba poraina man·gen: M’laya Games-na Curtain Raiser program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
