Tura, Nov 28: “Increasing Access to Justice through Community Mediation” katta bichongko donenba, Department of Justice (DoJ) funded project-ni ning•o seoka man•gipa ukil ba LAC-rangna, 2024 bilsini November 28 tariko Mediation ba namgrikatani bidingo salgnina training program-ko Tura District and Session Court Complex-ni Conference hall-o ong•atangaha.
Ia training program-ko ong•atanio, Meghalaya High Court-ni Registrar General baksana MSLSA-ni Member Secretary ong•enggipa, E Kharumnuid, India sorkarini department of justice-ni ning•o donggipa DISHA-ni program manager, Dr. Sneha Sharma, New Delhi-ni Ministry of Law and Justice-o Access to Justice and Legal Aid-ni Joint Secretary ong•enggipa Niraj Kumar Gayagi, Bharat Parashar, India-ni Supreme Court-o Special duty-ni Secretary General aro Officer, NALSA-ni Member Secretary in-charge baksana Meghalaya State Legal Services Authority-ni Special Duty officer, T. T. M Sangma-maba iano dongpae bakko ra•angpaaha.
Ia program-ko ong•atani technical session-o, Meghalaya SLSA-ni Special Duty officer, T T M Sangma, MJS, litigation ba nalis ka•ani aro ADR-ni gisepo tosusaani, nanggrikani aro miksongani bidingo aganangan, baksana mediators ba namgrikatgipa dolrangni kagni kamrang, kam ka•anirang, dingtang dingtang gadangrangni gimin aro nangrimatgipa dolrangni training-ni gimin aganangaha. Indake ong•engon, East Garo Hills District-ni District Legal Services Authority-ni Chief Judicial Magistrate aro Secretary, N M Momin, MJS, case-ni bidingo agan-golpogrikani, agangrikachi namgrikatani, namgrikatna man•gijagipa case-rang baksana judge-rang, ukilrang aro gipin dolrangni kagni ba dakgni kamrangni gimin aganangskaaha.
Na·simang ia video-koba nina man·gen:
Na·simang iakoba poraina man·gen: NEIAH-ni Postgraduate Trainee-rang uamangni stipend-ni bidingo okgimu chake jingjengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
