Shillong, Mar 27: Umiam Dam-ko naljoke rakkina man•na gita Power department, nirok sandijringenga aro nanga gita ja•kurangko de•enga ine Bristibar salo, Meghalaya a•dokni Power Minister Abu Taher Mondal parakataha.
Iani bidingo kobor ra•timgipa manderang baksa agangrikengon, Power department aro Meghalaya Energy Corporation Limited (MeECL), Umiam Dam-ko name rakkina jotton ka•enga ine Mondal parakataha.
Dam Rehabilitation and Improvement Project (DRIP)-ni kamrang ba Umiam Dam-ko taripiltaiani kamrang matchotani ja•man manderangni kenchakanirang komiangaha ineba ua aganaha.
Umiam Dam-ko naljoke rakkina gitasa ia dam gita dal•dalgipa garirangni re•ruraaniko uamang champengataha ine janapatengon, ia dam-ko naljoke rakkina gita department-ni manderangko aro police-rangkoba ia dam-o nirokna gita donenga ine Power Minister aganaha.
Umiam dam-onikon Megawatt (MW) 216 ong•gipa unit dambrina aro Byrnihat sambao donggipa Umtru power project-naba chirangko on•engani gimin ia dam-na dongimin somoi bon•ahaode mai ong•gen, ianasa jajrengsona nangani ong•enga ineba Power Minister aganaha.
Indake ong•engon, ia Umiam dolongko 1965 bilsion rikahani gimin dingtang ramako rikna gita detailed project report-ko tarina National Highways & Infrastructure Development Corporation Limited (NHIDCL)-na kamko pakwate on•manaha ineba Mondal parakataha.
Na·simang ia video-koba nina man·gen:
Na·simang iakoba poraina man·gen: Bobil doloni sak 5 manderangko Manipur-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
