Shillong, June 28: Umiam dollongko taridapani a•sel garirang re•runa man•jae jachange dongna nangenba sko choknoke ka•o nanganirang ong•engon, sakgni re•jojoe palbadinggipa manderang chong•motan Kong Ida aro Steven mangni okamani ku•rangan nichaoatna sikataigen. Iamang songo noko donggipa manderang ong•a, jemangan chela ramarangko re•baenba kario man•gipa bolam biterang, chana mix-rang aro garini bosturangko re•jengjenge, Umiam dollong sambao gario jachange donggipa manderangna pala simaniko dakna gita re•baronggiparang ong•a.
“Anga adita battanggimin jarangoni ianona re•bae re•jengjenge pala simaniko dakenga aro ian angni nokdangna namen dakchakani ong•aha,” inenba Umroi-ni Kong Ida mikrono mikchirang baksa aganangaha. Kong Ida plum, ratsregimin narikel, anaros aro modipol-rangko wa•aniko tarigimin kokchengo palaniko dakrongenga.
Ia re•jojoe pala simaniko dakna gita chelbea biaprangoni jekai, Smit, Mawphlang, Umroi, Nongpoh aro gipin biaprangoniba re•baenga. “Anga pringni 8 bajioni re•baenga aro walni 8 bajio nokchina re•angpilrongenga,” inenba Kong Ida u•iatangaha, jean konta 12-na kam ka•ani ong•engachim. Salprako uamang tangka gong 500 ba 600-ko man•rongaia ine rejojoe palbadinggipa me•chikma saksa aganskaaha.
Apsandake, Steven jean chana mix palaniko dakengachim, “Somoi re•angrikrik ramasamo palgipa aro ra•jengjenge palgiparang bang•batroroenba da•o sak 50-na batpilen palbadinggiparang ong•engaha,” ine aganangaha.
“Anga Nongpoh-o nok para ra•aha aro salantin ianona re•bae palbadinganiko dakengaha, skangode anga Guwahati-o palbadinganiko dakachim,” inenba palbadinggipa chadambe saksa aganangaha.
Dollong taridapani matchotahaon garirang jachange dongna nangjaenba neng•nikani gri re•rurana man•gnok unode ramasamo ba re•jojoe palgipa darangkoba niangjanaba dongaha ine sing•aniko dakon, indake ong•genchim ong•ode chinga dollongko re•batangskagen ine uamang aganchakaniko on•angaha.
Na·simang ia video-koba nina man·gen:
Na·simang iakoba poraina man·gen: HNLC-ni manderangko gopgap kema watanide ong·na amgijani ine M’laya CM agana
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
