Shillong, Jun 20: Umiam jolrangko nitobatate tariani bidingo chanchirimna gita Bristibar salo dingtangmancha Chief Minister Conrad K Sangma-ni dilanichi tom•aniko ong•atangaha.
Tom•a matchotani ja•man a•dokni Tourism Minister Paul Lyngdoh, kobor ra•timgiparangna talataniko on•angengon, Umiam jolrangko Tourist spot dake tarina acre 300 a•arangko Forest department-oniko ra•aha aro ia biapo tourism-ko tang•doatna gita helicopter service-ko a•bachengatnaba tik ka•aha ine parakataha.
Ia Umiam jolrangko Meghalaya a•dokosan ong•aigija salgro salaram jol gimikon niksengbatgipa biaprangoni damsa ong•atna miksongenga ineba Lyngdoh aganaha.
Tourism Minister-ni parakatani gitade, ia Umiam-ni Nehru Park wilwilao manderang re•rame rona biaprangko tarigen, bi•sarang rochakna gita biaprang donggen, kal•susaani aro uandakgipa dingtang dingtang biaprangkoba tarigen.
Umiam Lake-ni mitchiahani gimin sing•on, ia Umiam Lake-ko department-ni gita taridapna sienga aro taridapanio rongtalatanirangkoba dakangjolgen ine Tourism Minister parakataha.
Jadokni gisepon ia Umiam Lake-ko rongtalatna a•bachenggen aro ia biapko bilsisani gisepon dal•batate taridapgen ineba ua aganaha.
Na·simang ia video-koba nina man·gen:
Na·simang iakoba poraina man·gen: Artificial Intelligence-chi bading chiwalani aro songsalna nangchakeani bidingo chanchirimna NEHU-o tom•aniko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
