Shillong, May 10: Umiam-oni Malidor-ona dakanggipa ramako four-lane dake tarina survey ka•ani kamrang matchotangengaha ine Sukrobar salo, Meghalaya a•dokni Deputy Chief Minister aro PWD (Roads) Minister Prestone Tynsong parakataha.
Sukrobar salo, NHIDCL aro PWD (Roads)-ni official-rang baksa tom•ani ja•man kobor ra•timgiparangna talataniko on•angengon, Umiam flyover-oni East Jaintia Hills a•jani Malidor-ona dakanggipa ramako four lane dake tarina sorkari, NHIDCL-na pakwatmanaha aro NHIDCL-ni gita survey ka•ani kamrang da•o matchotangengaha ine Tynsong parakataha.
Ian a•doko mongsongbatgipa project-rangoni mingsa ong•engani gimin kamrangko nirokna gita dingtangmancha committee-ko songchina gita East Jaintia Hills aro West Jaintia Hills a•jani deputy commissioner-rangna ge•etaniko on•manaha ineba Deputy CM parakataha.
Tynsong-ni aganani gitade, ia ramako tariani Silchar-onaba sokangna sienga aro ia ramako tarianio komibeoba gong crore 20,000-22,000-mang koros ong•gen.
Survey ka•ani kamrang matchotangengahani gimin a•a ra•ani kamrangko bakan a•bachengatgnok ineba PWD (Roads) Minister aganaha.
Na·simang ia video-koba nina man·gen:
Na·simang iakoba poraina man·gen: Assam-o BJP sorkarini bilsi gittam gapanio maming kamrang chu•sokja ine Cong matnanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
