Shillong April 6: Umngot chibima jekon Indiani rongtalbatsranggipa chibima ine mingsing-minggamachim, mikka jimbee waanichi adita nosto ong•atako man•ahanigimin ua biapko dikdiksana chipe donatchengkuenga ine Shnongpdeng Tourism Develpment Society (STDS) ni secretary Tellme Talang aganaha.
Ia biaprangko nina Indiani aro sagal nalsaoni manderangba re•baronga aro bang•a manderangan biapko rotonikbea. Indake ong•genchimoba mikka wae chi dal•baanichi, chisamo donggipa nangchongmotgipa bosturang jekai ring, paikana noktoprang aro ugita gipin jakkalgnigiparang nosto ong•atako man•aha. Unigimin iako songdongenggiparangni taripiltaianina dakchakaniko on•paode nambegen ine ineba u•iatjolaha.
