Shillong, Jan 25: Skotong Minister Conrad K Sangma, Umpdem RCLP School-na pangchakaniko, 23-Mairang-Nongkhlaw Constituency-ni MDC, Batskhem Ryntathiang, Umsning Parish-ni Assistant Parish Priest, Rev. Fr. Edward Sten, Eastern West Khasi Hills-ni Deputy Commissioner, Anita Kapoor aro gipinrangni dongpaanio Sonibar salo songe on•angaha.
Skotong Minister, ia tom•anio jinmana aganprakengon, a•doko songdong a•chaenggipa pilakan gamchatgipa ong•ani gimin sakantina dangdike on•a ua on•kangenga aro Shillong, Tura aro Jowai-osan ong•aigija a•dokni dingtang dingtang bakrangoba silroro namroroaniko ra•bagen ine aganaha.
Lekka pora-ni gamchatani gimin aganengon, lekka pora-na koros ka•anian songsalni silroro namroroanina nambatsranggipa koros ka•ani ong•a aro da•alo ia pangchakaniko songanian a•dokni dedrang sakantinan lekka porako on•ani cholgugako oprake on•ani sakki ong•enga ine aganaha.
Unbaksana gong 5.94 lakh tangkako Nongkseh RCLP School, Shilliang Khri Umtrew Presbyterian Upper Primary School aro Umpdem RCLP School-o me•chikrangni hostel-ko rikna aro gong 1.5 lakh tangkako Umpdem RCLP School-ni music-na dingtangmancha chamataha ineba ua jinmana parakataha.
Ua jolni MDC, Batskhem Ryntathiang-ba ua jolo dongenggipa chatro chatrirangni chagrongna nangenggipa neng•nikanirangko mongsongbate, re•a doanio gari gora aro dongchakanina gamna nanggni damrangni bidingo janapangaha.
Una agreba ia tom•anio, minggni memorandum-rangko poraiataha chong•motan, Umpdem RCLP School-na me•chik bi•sarangna hostel-ko rike on•china mol•mole, Sacred Heart Convent-ni Little Workers-ni Superior, Sister Grace-ni seatgipa chitti aro minggipinara, Nongkhlaw-oni Umpdem-ona rama sorok tarichina, songni sub-centre-ko Primary Health Centre tariskachina aro robol kal•chakram biapko tarie on•china mol•mole Umpdem Village Authority-oni seatgipa chitti-ko jinmani mikkango poraiatachi parakataha.
Na·simang ia video-koba nina man·gen:
Na·simang iakoba poraina man·gen: Chang 6-gipa Meghalaya Games 2025 matchota, EKH chegopa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
