Nongpoh, December 22: Umsawnongkharai songni National Highway-06-o auto bikpilenba mande saksa janggitangko gimaataha aro auto salgipa driver-ko man•chape sakgni manderang bilongbee saknaako man•aha.
Police dolrangni u•iatani gitade, ia ong•a obosta pringni 8:30 bajimango, ML 10 B 6460 registration number donggipa auto-ko salenggipa driver, Quinine songoni re•bamitting somoio ta•rakprete salbaenba ka•sinatna man•jae ramao bikpildilaha.
Auto-o gadobagipa Pahamriniai songni bilsi 37 ong•gipa Stom Siangshai minggipa ia a•sel ong•gipa a•damon janggitangko gimaataha aro uni manggisiko post-mortem ka•na gita Nongpoh-ni Civil Hospital-ona ra•angaha inenba koborrangko man•soaha.
A•sel ong•anio saknaa man•gipa manderangna sanna bannaniko on•a gita uamangko Umsning CHC-ona rimangaha aro ia rama a•sel ong•ani bidingo Nongpoh Police Station-ni am•sandianiko dakenga.
Na·simang ia video-koba nina man·gen:
Na·simang iakoba poraina man·gen: Fire Service SP-ni gari, NGH-o a·sel ong·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
