Guwahati, Sept 20: Indiani Chakma dilgiparang Sukrobar salo Prime Ministerna memorandum see on·anio Interim Government of Bangladeshni Chief Caretaker ong·enggipa Dr. Mohammed Yunus baksa da·o ong·enggipa UN General Assemblyni sessiono maming dakeba agangrikjachina mol·molaha.
Ja·pang ja·dilko sandiode, Chittagong Hills Tracts-o songdonggipa a·brini manderangko Bangladesh Army aro a·kawe jolo niam gri songdongenggipa manderang September 19 tarikonin nisina miksonge chadrapenga. Ua kal·aka manderangko aro uamangni mal-gamrangko chel·chakna kam ka·jaskal Bangladesh baksa maming dakeba agangrikani dongjachina ineba Chakma dilgiparang krengaha.
September 19 tarikoni intal indake chadrapanio sak 9mang tribal manderang goa man·e siaha, Khagarachario bang·a manderang mata-buako man·aha aro Dighinala Sadaro nok aro dokanrangko te 100 bate so·aha.
Bangladesh Armyni goako man·e sigipa dos gri manderanga Junan Chakma, bilsi 70 ong·gipa Dhan Ranjan Chakma, Rubel Tripura aro Lenin Chakma ong·a. Unbaksana u·ina man·kugijagipa sak 5ni manggisirang Khagrachari hospitalo dongenga.
Chittagong Hill Tracts tribal manderangni a·doksa ong·achim aro uano Muslim ong·gijagiparangan 98.5% ong·oba 1947 bilsio India-Pakistan bak ong·grikani somoio Bengal Boundary Commission uko Pakistan-nasa on·ataha. 1979 bilsioni 1983 bilsiona unomiting President ong·enggipa General Ziaur Rahman Chittadong Hill Tracts-ona sak 5,00,000 Muslim manderangko niam gri songdongataha. Indake dakahaon uano chengonin songdongbagipa manderangna bate napdragiparangan jelbatna a·bachengaha. Niam gri dake napdrae songdonggiparang da·ode Chittagong Hills Tracts-o mande donga gimikni 50% ong·aha.
Prime Ministerna on·gipa memorandum-o soi ka·giparanga: Suhas Chakma, Founder, Chakma Development Foundation of India; Rashik Mohan Chakma, MLA & Chief Executive Officer of the Chakma Autonomous District Council of Mizoram; Nirupam Chakma, Ex-Minister of Mizoram and Member, National Commission for Scheduled Tribes, Bimal Chakma Member of the Tripura Tribal Areas Autonomous District Council, Prof. Gautam Chakma, President, Humanity Protection Forum and Head of the Department, Political Science, Tripura University, Pritimoy Chakma, Convener of Chakma Hajong Rights Alliance and Ashutosh Chakma, President of the All Assam Chakma Society.
Na·simang ia video-koba nina man·gen:
Na·simang iakoba poraina man·gen: Dibrugarh-o ong·atnasienggipa All India Sub-Junior Ranking Badminton Tournament-o sak 600 bak ra·gen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
