Riyadh, Saudi Arabia, Dec19: “Our Land, Our Future” ine katta bichongko donne, United Nations Convention to Combat Desertification (UNCCD)-ni chang 16-gipa Conference of Parties (COP16)-ko, Saudi Arabia-ni Riyadh-o ong•atanggipa name matchotangaha. Ia conference-koara, a•ani mittimrang bon•angroroaniko champengna chanchirimaniko dakna miksonganio ong•a maina ian a•gilsako mande jatni janggi tanganina nangchongmotgipa ong•a.
Potsdam Institute-ni Director, John Rockstrom, a•gilsakni apsangrik ong•aniko chelchakna gita a•arangko apsan ong•atpiltaina nangchongmotani gimin u•iatangaha. Ia conference-ko ong•atani mongsonggipa chu•sokanirangara uan regenerative agriculture ba chasong gitalni bewalo chirangko komie jakkalenba a•mittimni bon•anganiko champengani baksana Global Drought Resilience Partnership aro Fund-ko a•bachengate on•anian ong•a.
2024 bilsini, December 3 tarikoni 13 tarikona ong•atanggipa, COP16-o ong•atanio “Scaling Sustainable Land Management for Global Impact” session-o Earthbanc AB aro Meghalaya sorkariko uamangni a•ani mittimrangko apsan ong•atpiltaina, sambolrang baksana mi misirangko apsan biapo ge•ani aro pangkamgipa janggi tangani cholrangko ra•bana gital chanchibewalanirangko mesoke on•angchina gita okamataha.
Meghalaya a•dokni palo re•anggipa, Meghalaya sorkarini, Joint Secretary, Mr. Gunanka D.B, IFS, ming 3 ong•telaigipa bilrangko jakkalani bidingo, chong•motan- songo noko songdongenggipa manderangko mongsonggipa chanchirimanio bak man•atpaani, technology-rangko jakkale namgnirangko u•ie ra•ani aro namdapatani baksa dingtang dingtang neng•nikanirangko namatna gita dingtang dingtang chanchibewalanirangko ra•gatani giminba u•iatangaha.
Meghalaya a•dokni a•mittimrangko apsan ong•atpiltaina ja•ku de•anio sambolrang aro janggi gnanggipa matburingrangko naljoke rakkina tangka paisani gita dakchakani, samgri ge•a gammaniko ra•doani, a•ani mittimrangko apsan ong•atpiltaina gita samna jakkalgipa bolrangko ge•ani, nosto ong•gimin a•arangko namdapatani, chiring chibisikrangko tange rakkiani aro wa•arangko dingtang dingtang kamrangna jakkalanirangko man•chapa.
Earthbanc, a•doko nitoaniko ra•bapiltaianio koros on•gipa aro a•ani nokgiparangna namgniko ra•bana gita gital chanchibewalanirangko mesoke on•angan baksana, uamang chasong gitalni technology-rang jekai Geospatial Data aro AI-ko jakkale, a•ani nama namgijani, kosak gilgilo donggipa a•arangko aro gamma ge•anio mi misirangko man•a man•gijaniko u•ina dakchaka.
Earthtree-ni CEO, Rishabh Khanna, a•ani mittimrangko apsan ong•taipilatna gita bang•a tangka paisani gita on•gilanirangko nangchongmotani gimin u•iatangskaaha.
Earthbanc aro Meghalaya a•dok sorkari baksa dilenggipa, Regeneration Meghalaya Project, nosto ong•gimin a•arangko apsan ong•atpilan baksana regenerative agroforestry-ko jakkale jolo donggipa manderangni janggi tanganiko namdapatna gita miksongenga. Re•baenggipa bilsirango ia project-ni gita nosto ong•gimin a•arangko namdapatna, jolo songdongenggipa manderangni bilsio man•gnirangko baribatatna, mongsonggipa sambolrang aro matburingrangni dongram biaprangko ripinge rakkiangna miksongenga.
Na·simang ia video-koba nina man·gen:
Na·simang iakoba poraina man·gen: STF dol, Global Terrorist Organization-o jak donggipa bobil dolni sak 8 manderangko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
