Charaideo, Nov 27: Mongolbar salo, tour operator ba songre songabataniko chalaigipa dolrang, influencer ba didigipa dolrang aro stakeholder ba dingtang dingtang dolrangni palo watata man•gipa sak 100-na batpile manderang, Kaziranga-o ong•atenggipa chang 12-gipa International Tourism Mart 2024-ko maniani bak gita UNESCO-ni World Heritage Site, Charaideo Maidam-ona re•angtokaha. Ia Mart, tourism-ni gimin name u•i ma•sigipa dolrangko a•gilsak gimikniko okamchimongenba tourism-ko tange rakkiani cholrangko sandina aro India-ni ning•tubegipa dingtang dingtang jatrangni dakbewal rikbewalrang aro bebe ra•aniko jinmana mesoke on•a gita dakchaka.
Charaideo Maidam-ko, Ahom Dynasty-ni chasongo rikgipa bilsi 700 batpilgimin Mount-burial system ba a•bri dake chong•dugipa biapo Tai-Ahom raja ba rani ba uamangni nokdangni manderangko gopna tarigimin gopramna mingsinga aro indake ru•utgija sal somoirangna skang UNESCO-ni gita ia biapko World Heritage Site ineba parakataha. Batanggimin salrango ba itihas-o ong•a obostarang aro uamangni dakbewal rikbewalrangko jinmana mesoke on•a aro tourism-ko ra•dona miksonganio ia watata man•gipa dolni manderang ia biapona re•ange nianiko dakangaha.
Mingsinggipa tour operator-rang, social media influencer-rang baksana tourism industry-ni mongsonggipa dilgiparangba iano bakko ra•angpagiparang ong•a. Ia re•e nianiko dakanio uamangna biaprangko mesoke aro talattime on•giparangkoba watataha, jeon uamang itihas-ni gimin bang•a u•idapanirangkoba man•angaha. Uasan ong•aigija, ianona re•anggiparang jolo donggipa itihas-ni gimin name u•igipa manderang baksa ia biaprangko maike nambate ripingna gita man•genchim uarangni giminba agan-golpogrikaniko dakangaha.
Ia Mart-ko, India-ni Salgro Salaram jolrango tourism-ko tang•dobatatna gita dingtang dingtang dolrangni gisepo ku•cholsan ong•e kamrangko ka•china didianiko dakna miksonganio India sorkarini Tourism Ministry-ni dakchakanichi ong•atangaha. Ia program-ona re•bagipa dolrang, grong ge•sa donggipa gondu-na mingsingan baksana dingtang dingtang janggi gnanggiparang aro sam bolrangna mingsingako man•gipa Kaziranga-ni ong•telaigipa nitoanikoba re•ange niangaha.
Na·simang ia video-koba nina man·gen:
Na·simang iakoba poraina man·gen: Jiribam a•jao donggipa bobil dolrangko am•sandina a•bachengataha: N Biren Singh
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
