Tura, July 7: India a•songo songdongenggipa manderangna apsan daka rikani aro niam retirangko on•na gita ma•mong sorkari, Uniform Civil Code (UCC)-ko ra•gatna miksongengon, Sukrobar salo, Garo Hills Autonomous District Council (GHADC)-ni Chief Executive Membor (CEM) Albinush R Marak, GHADC-ni Deputy CEM Nikman Ch Marak aro gipin executive membor-rang, Garo Hills gimikni NGO-rang, ja•delgimin manderang aro Bar Association baksa tom•aniko ong•atangenba, UCC-ko bilaken jegalsona tik ka•angaha.

Tom•a matchotani ja•mano Hub News baksa agangrikengon, ma•mong sorkarini Parliament-ona ra•angna sienggipa UCC Bill-ara jatni daka rikanio aro bebera•anioba nangchakeaniko ra•bagen indiba da•o dipet uamang ia Bill-o mai niamrangko seahachim nikna man•kujaenga ine GHADC-ni CEM parakataha.

Salgro salaram a•dokrangara Indian Constitution-ni Sixth Scheduled-chi chel•chakako man•gipa biaprangsa ong•e an•tangtangni bebera•ani aro daka rikanirangko ja•rikgiparangsa ong•a ine janapatengon, da•o uamang UCC Bill-o seanirangko nikkujaengoba iani ortokode ma•sigiparang ong•e, da•onin UCC-ko raken jegalsoenga ine Marak parakataha.

UCC-ko ra•gatanio Sixth Scheduled a•jarangkode watgen ine Chief Minister-ni ku•watgimin kattarangni bidingo sing•on, iandake ong•genchimode uamang apsan asonge chanchitaipilna nanggen indiba skanggipa uamang Bill-ko nichengna nanggen ine GHADC-ni Deputy CEM Nikman Ch Marak parakatskaaha.

UCC Bill-ko Parliament-o pass ka•genchimode mai dakgipa ja•kurangko de•na miksonganirang donga ine sing•anina aganchakaniko on•angskaengon, UCC-ara Tribal-rangni bebera•ani aro daka rikani niamrangko pe•na sienggipasa ong•ani gimin iako uamang raken jegalanggen aro nanggenchimode kachariona re•anggen ine Marak parakataha.

GHADC-o Garo Customary Law (GCL)-ko ra•gatkujaenga ong•ode maikai UCC-ko jegalgen ine sing•anina aganchakaniko on•angskaengon, GCL Bill-ko 2005 bilsion GHADC pass ka•aha aro Assembly-ba pass ka•aha aro ia Winter Session-oba uamang session-ona ra•angtaigen ine GHADC-ni Deputy CEM parakataha.

Ia tom•anio bakko ra•anggipa dolrangara, Mothers Union, GSU, FKJGP, ADE, AYWO, AYC, GGU, TGCSU, PGSU, AHAM, NGCO, GSMC, AIGU, Nokma Council aro gipin dolrang ong•a.

Iakoba poraie nina man·gen: Shillong-o police-rangni garirangko so•gipa manderangko ma•siaha: EKH SP

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub