Guwahati, July 27: Salgro Salaram jolrango janggi tangenggipa chadamberangko, me•chikrangko aro tribal manderangko bil gnangbatate, uamangni janggi tangani, karkana aro ge•e game cha•ani gadangrangko tang•dobatatna Union Budget miksongenga ine Ports, Shipping & Waterways-ni Union Minister Sarbananda Sonowal Sonibar salo parakataha.
Union Budget-ni gimin bading chiwale cha•enggipa dol, chadamberang aro me•chik dolrangni dilgiparang baksa Shillong-o chanchirimaniko dakengon, Modi sorkarini ja•ku de•enggipa Direct Banefit Transfer (DBT)-ni bidingo Sonowal talate on•angaha. DBT, ian gong 15,000 tangkarangko chang 3 dake on•skagipa scheme ong•a aro Meghalaya Industrial & Investment Promotion Policy baksa nangrimatgimin ba ong•a.
Unbaksana, bilsi karirangko namdapatna amgipa aro nambatsranggipa ming 32 ge•a gamani gipin ming 109 rokkomrang ni bidingoba Sonowal talate on•angaha. Ia ja•ku de•anirangchi Meghalaya a•dokni manderangna namgni ong•gen, maina uamangni man•gnirangko aro bilsi karirangna namgija ong•atenganiko bon•atani mingsa cholba ong•gen. Indake Kisan Credit Card-rang gita digital crop survey-ko ka•anggen ineba ua janapataha.
Gong crore 598 tangkarangko chamatanichi, bilsi karirangna namgija ong•ataniko, a•a ruaniko aro ge•a gamanio nosto ka•gipa jo•ongrangko siatna sam satanirangchi champengsona dakchakani ong•gnok jean, a•jao ge•e game cha•aniko namdapatna dakchakaniba ong•gen.
Una agreba, Union Budget-o, Pradhan Mantri Gram Sadak Yojana-ni Phase IV-ni ning•o rika cho•ani kamrangko namdapatna, ning•tugipa biaprango connectivity ba internet jakkalaniko namdapatna man•chapataha,
2014 bilsioni, gong crore 2310.76 damniko Meghalaya a•dok gimiko 3,482 km mangni rama jal•angrangko PMGSY-ni ning•o tariaha.
Gong 2.66 lakh crore tangkarangko, salgro salaram a•dokrangni songadam nokadamrango rika cho•ani kamrangna chamataha aro gong crore 19,338 tangkarangko rama sorok aro highway-rangko namdapatna chamatskaaha.
Indake, ia budget-oniko salgro salaram jolrangna namen namgni ong•gen maina, chadamberangko, me•chikrangko aro tribal manderangko bil gnangbatatenba uamangni janggi tangani, karkana aro ge•a gamani gadangrangko tang•doatgen.
Indake, jatni bewalo ma•manti bosturangko sol•na repna changgiparangna, sikna kona changgiparangna, Self Help Groups (SHGs), Schedule Caste, Schedule Tribe aro me•chik dolrangoni entrepreneur-rangna dakchakna gita, PM Vishwakarma, PM SVANidhi, National Livelihood Mission aro Stand Up India scheme-rangna budget chamanikoba bariataha.
Uasan ong•aigija, MUDRA scheme-ni gitaba, dingtang dingtang manufacturing aro services sector-rangko tang•doatna MSMES-ni tru nangarangko on•enga aro ian entrepreneur-rangko bil gnangbatatna dakchakaniba ong•gen ine Sonowal janapataha.
Na·simang ia video-koba nina man·gen:
Na·simang iakoba poraina man·gen: Niamgri ro•ong cho•engani a•sel Chanduni Lake-na kenchakani ong•enga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
