Guwahati, August 28: Prime Minister Narendra Modi-ni dilanio, Salgro Salaram jolni a•dok-ni dingtang dingtang dolrang aro Central Sector Undertaking baksa Joint Ventures (JV) Collaboration-ni gita apsan bakrime North Eastern Region (NER)-o Hydro Electric Project-ko namdapatna miksonge, Salgro Salaram jolni sorkarina Central Financial Assistance (CFA)-ko Ministry of Power-ni gita on•a ku•pattigiminko namnike, Union Cabinet-o ra•chakangaha.
Ia scheme-ko FY 2024-25 bilsio a•bachengatenba FY 2031-32 bilsiona ka•anggen jenan tangka gong 4136 crore tangkarangko chamataha aro ia scheme-ni ning•o komibeoba 15000 MW mangni gita bijolirangko jakkalanggen. Power Ministry-na chamgimin chu•gimik tangka paisarangoniko Salgro Salaram jolna Gross Budgetary Support (GBS)-ni gita 10% tangka paisarangko jakkalenggen.
Power Ministry-ni tarigimin ia scheme-ara, a•dok sorkari aro Central PSU-ni pilak project-rangna Joint Venture (JV) Company-ko ong•atna dakchakaha.
Salgro Salaram jolni a•dokrangna apsangrik on•anio 24% mangni gita gimiknan tikpagen jean batbewaloba project mingpraknan tangka gong 750 crore-rangko bak man•pagen. Obostarangko nigrike project mingprakna on•gimin ia tangka gong 750 crore-rangni bidingo nipiltaianikoba dakanggen.
Central Financial Assistance-ko jakkalna man•gipa Hydro Electric Project-rangnasan jakkalna gita man•aigen aro a•dokrang ia project-ko jakkalna gita SGST-ko on•pilna gitaba nanggen.
Ia scheme-ko a•bachengatanichi, hydro project-ko namdapatanio a•dok sorkarirangko bak ra•anio ka•dongatna, kena nanggni aro daito ra•aniko sualgrike apsan kam ka•na gita man•gen. Neng•nikanirang jekai, a•a ra•anio, biapko taridapanio aro apjitatani kamrang baksana niam reti-rangni bidingo neng•nikanirangba komianggnok maina a•dok sorkarian uamangni bak ong•pagnok. Uasan ong•aigija, ian somoi cha•ani aro project-rangko chalaianio tangka paisa bon•anirangkoba chel•atna gita man•gnok.
Ia scheme-ko ra•baanichi, Salgro Salaram jolna bang•bea tangka paisa chamanirangko ra•baan baksana jolo donggipa bang•bea manderangnaba janggi tangani cholrang aro dingtang dingtang bading chiwalaniko dakgiparang jekai gari sale cha•giparang, tourism-ni gita aro chonchongipa bading chiwalaniko dakgipa manderangnaba janggi tangani cholko ra•baani ong•gen. Ia hydroelectric project-ko namdapataniara, 2030 bilsio jakkaltaina man•gipa bijolirangko bikotna gita India-ni National Determined Contribution (INDC)-na on•gilpaaniba ong•enga.
Ia Hydro Power-ko namdapatani bidingo India sorkari dingtang dingtang niamrangkoba a•bachengatan baksana ia hydro power sector-ko ra•dona aro jakkaltogipa ong•atna gita, Cabinet-ni gita, 2019 bilsini March 7 tariko, dal•dalgipa hydro project-rangko Renewable Energy sources, Hydro Power Purchases Obligations (HPOs), HEP donchakenggipao chi ban re•anina tangka paisani gita dakchakaniko on•ani aro rama jal•angrangko rikna gita tangka paisa chammanirangko parakatenba namnike ra•chakaniko dakangaha.
Na·simang ia video-koba nina man·gen:
Na·simang iakoba poraina man·gen: BCCI-ni general manager Tura-ni Cricket kal•chakram biapko nianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
