Guwahati, Feb 27: Skanggipa changna nangdime, Hindustan Petroleum-ni gong crore 540 damni petroleum, to aro lubricants (POL) & LPG aro 20,000 KL Capacity HPCL Depot ba donchakram biapna pangchakani ro•ongko, Union Minister Rameshwar Teli aro BTR Chief Pramod Boro, Assam a•dokni Chirang a•jani ning•o donggipa Kamardanga-o songe on•angaha. Ia tom•anio, Rajya Sabha-ni MP Rwngwra Narzary, BTC-ni Council Legislative Assembly-ni a•gipibatgipa executive memborrang aro gipin mande ra•ako man•a kragipa manderang bak ra•enba mikkim gnangataha.
Union Minister Rameshwar Teli jinmana aganprakengon, ia project-ko ra•baanichi BTR-ni ning•o karkanarango kam ka•aniko silroro namroroatan baksa songdongenggipa manderangna kam ka•e cha•na chol on•aniba ong•gen aro una agreba, rama jallangrangko aro manderangni gipin nangnikanirango dangdike on•anioba namdapatani ong•gen inenba aganaha.
Indake, Pramod Boro-ba, Skotong Minister Himanta Biswa Sarma-ni dilenggipa NDA sorkarini kamrangna mitelaniko dakatan baksa, bilsi sotbri mangni ja•mano, ia project-ni tru namdapanina do•gako sorkari oe on•aha inenba aganaha. Unbaksana, ia project-na an•tangtangni a•arangko kusi ongen on•ahaninaba, Chirang a•jao songdong a•chaenggipa manderangko ua mitelpilskaaniko dakangaha.
Na·simang iakoba poraie nina man·gen: Arunachal-o gari a•sel ong•e sak 5 sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
