Agartala, July 10 : Mongolbar salo a•dokni Tourism, Petroleum and Natural Gas-ni Union Minister Suresh Gopi, Tripura a•doko gisikni gita aro biap gitalrangko re•roroe nianiko tang•dobatatna ma•mong sorkari gisikko on•enga inenba janapangaha.
Tripura a•doko dingtangmanchagipa a•bri a•kongrang bang•ani gimin ian songregipa manderangko salbana gitaba dakchakgen, inenba minister aganengon, “a•songtangoni aro gipin a•songrangoni songregiparangko salbana dakchakan baksana a•dokna aro uno songdongenggipa manderangni janggi tanganiko tang•dobatatna gita dakchakgen aro Tourism-ni gita bang•bata namgnirangko ra•bana gitaba sorkari nirokaniko dakanggen,” ineba ua aganangaha.
Tripura-ni manderang ia cholko ra•na gita nangchongmota maina ian songregiparangko salbana gita bil dongchongmota aro ian kamgri ong•e dongenggipa chadamberangna kam ka•e cha•na gita chol ong•gnok ine aganenba, iani bidingo chinga konta 2-na agan-golpogrikanirangko dakangaha ineba ua aganangkuaha.
Kerela a•doko tourism-ko a•bachengatna tarigimin model ba noksa sale mesokaniko, Prime Minister Narendra Modi namen de•doe aganangaha aro sorkarini gita gipin a•dokrangoba ia apsan dakgipa chanchisamsoanirangko ja•rikenba apsan bosturangko on•e tourism-ko a•bachengatna gita ku•pattianiko dakangaha, ineba ua aganangaha.
Tripura a•dokona bang•a songregiparangko salbaenba a•doko tangka paisani gita tang•dobatataniko ra•bana gita, dingtang dingtang jatni maniani ba jatni kal•susaanirangko ong•atchinaba ua ku•pattie on•angaha.
Ia tom•aniko, State Guest House-ni conference hall-o ong•atangaha, jeon Gopi baksana Tripura-ni Tourism Minister Sushanta Chowdhury, Tourism Department-ni Secretary U.K Chakma, Tourism Development Nigam-ni managing director Prashant Badal Negi aro Tourism Department-ni official-rangba bak ra•angpaaha.
Na·simang ia video-koba nina man·gen:
Na·simang iakoba poraina man·gen: Assam CM, Pragyan Bharati Scheme-ni ning•o Waiver Certificate-rangko chatro chatrirangna suale on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
